ഗോഹട്ടി: ആസാമിൽ നിയമസഭാ തെരഞ്ഞെടുപ്പിന്റെ ലീഡ് നില വരുമ്പോൾ ബിജെപി നയിക്കുന്ന എൻഡിഎ കേവല ഭൂരിപക്ഷത്തിലേക്ക്. എൻഡിഎ 75 സീറ്റുകളിലാണ് ലീഡ് ചെയ്യുന്നത്. കോൺഗ്രസ് സഖ്യം 49 സീറ്റുകളിലും മറ്റുള്ളവർ രണ്ട് സീറ്റുകളിലും മുന്നിലാണ്.
126 സീറ്റുകളിലേക്കാണ് ആസാമിൽ തെരഞ്ഞെടുപ്പ് നടന്നത്. മജൂലിയിൽ മുഖ്യമന്ത്രി സർബാനന്ദ സോനാവാളും ജാലുക്ബാരിയിൽ ആരോഗ്യമന്ത്രി ഹിമന്ദ ബിശ്വ ശർമയും ലീഡ് ചെയ്യുകയാണ്. അതേസമയം, ആസാം കോൺഗ്രസ് പ്രസിഡന്റ് റിപുൺ ബോറ, പ്രതിപക്ഷ നേതാവ് ദേബബ്രതാ സയ്കിയ പിന്നിലാണ്.
മാർച്ച് 27 മുതൽ മൂന്നു ഘട്ടങ്ങളിലാണ് തെരഞ്ഞെടുപ്പ് നടന്നത്. 82.04 ശതമാനം പോളിംഗ് രേഖപ്പെടുത്തി.
ആസാമിൽ എൻഡിഎ മുന്നിൽ; തിരിച്ചടി നേരിട്ട് കോൺഗ്രസ് സഖ്യം
02:41 PM May 02, 2021 | Deepika.com