തിരുവനന്തപുരം: സംസ്ഥാനത്ത് 110 ആരോഗ്യ പ്രവര്ത്തകര്ക്ക് കൂടി കോവിഡ് സ്ഥിരീകരിച്ചു. കണ്ണൂര് 21, കോട്ടയം 14, തിരുവനന്തപുരം 12, കാസര്ഗോഡ് 11, പത്തനംതിട്ട, പാലക്കാട്, വയനാട് 10 വീതം, എറണാകുളം, തൃശൂര് അഞ്ച് വീതം, മലപ്പുറം നാല്, കൊല്ലം, കോഴിക്കോട് മൂന്ന് വീതം, ഇടുക്കി രണ്ട് എന്നിങ്ങനെ ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
അതേസമയം, സംസ്ഥാനത്ത് ഇന്ന് 38,607 പേര്ക്ക് കോവിഡ് സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില് 300 പേര് സംസ്ഥാനത്തിന് പുറത്ത് നിന്നും വന്നവരാണ്. 35,577 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 2620 പേരുടെ സമ്പര്ക്ക ഉറവിടം വ്യക്തമല്ല.
രോഗം സ്ഥിരീകരിച്ച് ചികിത്സയിലായിരുന്ന 21,116 പേരുടെ പരിശോധനാഫലം നെഗറ്റീവ് ആയി. ഇതോടെ 2,84,086 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 12,44,301 പേര് ഇതുവരെ കോവിഡില് നിന്നും മുക്തി നേടി. കഴിഞ്ഞ ദിവസങ്ങളിലുണ്ടായ 48 മരണങ്ങളാണ് കോവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 5,259 ആയി.
സംസ്ഥാനത്ത് 110 ആരോഗ്യപ്രവർത്തകർക്ക് കൂടി കോവിഡ്
06:00 PM Apr 29, 2021 | Deepika.com