പാരീസ്: യുവേഫ ചാമ്പ്യൻസ് ലീഗ് സെമിയുടെ ആദ്യ പാദത്തിൽ പിഎസ്ജിയെ കീഴടക്കി മാഞ്ചസ്റ്റർ സിറ്റി. പാരീസിൽ നടന്ന മത്സരത്തിൽ ഒന്നിനെതിരെ രണ്ടു ഗോളുകൾക്കാണ് സിറ്റി വിജയിച്ചത്. ഒരു ഗോളിന് പിറകിൽ നിന്ന ശേഷമായിരുന്നു സിറ്റിയുടെ തിരിച്ചടി.
മാർക്കിനസ് പതിനഞ്ചാം മിനിറ്റിൽ നേടിയ ഗോളിൽ പിഎസ്ജിയാണ് ആദ്യം ലീഡെടുത്തത്. 64-ാം മിനിറ്റിൽ തകർപ്പൻ ഗോളിലൂടെ കെവിൻ ഡിബ്രുയിൻ സിറ്റിക്ക് സമനില സമ്മാനിച്ചു. 71-ാം മിനിറ്റിൽ റിയാദ് മെഹ്റസിന്റെ ഒരു ഫ്രീകിക്കാണ് പാരീസിൽ സിറ്റിയെ മുന്നിൽ എത്തിച്ചത്.
സമനില ഗോൾ നേടാൻ ശ്രമിക്കുന്നതിനിടയിൽ പിഎസ്ജിക്ക് അവരുടെ മധ്യനിര താരം ഇദ്രിസ ഗയെയും നഷ്ടമായി. ഗുണ്ടകനെ ഫൗൾ ചെയ്തതിനായിരുന്നു 71-ാം മിനിറ്റിൽ ചുവപ്പ് കാർഡ് പിറന്നത്. ഇതോടെ മാഞ്ചസ്റ്റർ സിറ്റിക്ക് കാര്യങ്ങൾ എളുപ്പമായി.
രണ്ടാം പാദ സെമി പോരാട്ടം മേയ് അഞ്ചിന് സിറ്റിയുടെ തട്ടകത്തിൽ നടക്കും.
പിഎസ്ജിയെ അവരുടെ തട്ടകത്തിൽ വീഴ്ത്തി മാഞ്ചസ്റ്റർ സിറ്റി
06:58 AM Apr 29, 2021 | Deepika.com