ന്യൂഡൽഹി: രാജ്യത്ത് പതിനെട്ട് വയസ് മുതലുള്ളവർക്കുള്ള വാക്സിനേഷന്റെ രജിസ്ട്രേഷൻ ബുധനാഴ്ച മുതൽ ആരംഭിക്കും. വൈകിട്ട് നാല് മുതൽ കോവിൻ പോർട്ടലിലോ അല്ലെങ്കിൽ ആരോഗ്യസേതു ആപ്പ് മുഖേനയോ രജിസ്റ്റർ ചെയ്യണം. മേയ് ഒന്ന് മുതലാണ് വാക്സിൻ നൽകുന്നത്.
അതേസമയം, ഓക്സിജൻ, വാക്സിൻ, മരുന്നുകൾ മുതലായവയുടെ ലഭ്യതക്കുറവുമായി ബന്ധപ്പെട്ട് വിവിധ ഹൈക്കോടതികളിൽ നിലനിൽക്കുന്ന കേസുകൾ ഏറ്റെടുക്കില്ലെന്ന് സുപ്രീം കോടതി ആവർത്തിച്ചു. ദേശീയ പ്രതിസന്ധിയുടെ സമയത്ത് കൈയുംകെട്ടി നോക്കിനിൽക്കാനാവില്ലെന്നും കോടതി പറഞ്ഞു.
കോവിഡ് പ്രതിസന്ധിയുമായി ബന്ധപ്പെട്ട കേസുകൾ കേൾക്കുന്നതിൽനിന്ന് ഹൈക്കോടതികളെ തടയില്ല. പ്രശ്നങ്ങൾ കൈകാര്യം ചെയ്യാൻ ഹൈക്കോടതികൾക്ക് എന്തെങ്കിലും ബുദ്ധിമുട്ടുണ്ടെങ്കിൽ, തങ്ങൾ സഹായിക്കുമെന്നും ജസ്റ്റീസ് ഡി.വൈ ചന്ദ്രചൂഡ്, എൽ.എൻ റാവൂ, രവീന്ദ്ര എസ്. ഭട്ട് എന്നിവരുടെ ബെഞ്ച് പറഞ്ഞു.
പതിനെട്ട് വയസ് മുതലുള്ളവരുടെ വാക്സിനേഷൻ; രജിസ്ട്രേഷൻ നാളെ മുതൽ
10:49 PM Apr 27, 2021 | Deepika.com