സൂറത്ത്: ഗുജറാത്തിലെ സൂറത്തിൽ കോവിഡ് ആശുപത്രിയിലുണ്ടായ തീപിടിത്തത്തിൽ നാലു പേർ മരിച്ചു. സൂറത്തിലെ സ്റ്റേഷന് റോഡിലുള്ള ബഹുനില കെട്ടിടത്തിന്റെ അഞ്ചാം നിലയില് പ്രവര്ത്തിക്കുന്ന ആയുഷ് ആശുപത്രിയില് ഞായറാഴ്ച രാത്രിയോടെയാണ് അപകടം സംഭവിച്ചത്. കോവിഡ് ബാധിച്ച് ഗുരുതരാവസ്ഥയില് കഴിഞ്ഞ രോഗികളാണ് ഇവിടെയുണ്ടായിരുന്നത്.
അപകട സമയം 10 രോഗികളാണ് ആശുപത്രിയിലുണ്ടായിരുന്നതെന്നും മറ്റ് രോഗികളെ സമീപത്തെ മറ്റൊരു ആശുപത്രിയിൽ പ്രവേശിപ്പിച്ചുവെന്നും സൂറത്ത് മുൻസിപ്പൽ കോർപ്പറേഷനിലെ മെഡിക്കൽ ഓഫീസർ ഡോ. ആശിഷ് നായിക് പറഞ്ഞു. ഷോര്ട്ട്സര്ക്ക്യൂട്ട് ആകാം അപകടകാരണമെന്നാണ് പ്രാഥമിക നിഗമനം.
കഴിഞ്ഞയാഴ്ച മഹാരാഷ്ട്രയിലെ പാർഘാറിൽ കോവിഡ് ആശുപത്രിയിലുണ്ടായ തീപിടിത്തത്തിൽ 15 കോവിഡ് രോഗികൾ മരിച്ചിരുന്നു.
സൂറത്തിലെ കോവിഡ് ആശുപത്രിയിൽ തീപിടിത്തം; നാല് മരണം
07:21 PM Apr 26, 2021 | Deepika.com