ന്യൂഡല്ഹി: സുപ്രീംകോടതി സിറ്റിംഗ് ജഡ്ജിയും കേരള ഹൈക്കോടതി മുന് ചീഫ് ജസ്റ്റിസുമായിരുന്ന ജസ്റ്റിസ് മോഹന് എം. ശാന്തനഗൗഡര് (62) അന്തരിച്ചു. ശനിയാഴ്ച രാത്രിയോടെയാണ് അന്ത്യം. ശ്വാസകോശ സംബന്ധമായ അണുബാധയെ തുടര്ന്ന് ഗുരുഗ്രാം മേദാന്ത ആശുപത്രിയില് ഐസിയുവിൽ ചികിത്സയിലായിരുന്നു. ക്യാന്സര് ബാധിതനായിരുന്നു.
1958 മേയ് അഞ്ചിന് കർണാടകയിലാണ് അദ്ദേഹം ജനിച്ചത്. 2003-ല് കര്ണാടക ഹൈക്കോടതിയുടെ അഡീഷണല് ജഡ്ജിയായി നിയമിക്കപ്പെട്ടു. 2016 ഓഗസ്റ്റ് ഒന്നിന് കേരള ഹൈക്കോടതി ആക്ടിംഗ് ചീഫ് ജസ്റ്റിസായി ചുമതലയേറ്റു. 2016 സെപ്റ്റംബര് 22 ന് കേരള ഹൈക്കോടതി ചീഫ് ജസ്റ്റീസായി ചുമതലയേറ്റു. 2017 ഫെബ്രുവരിയില് സുപ്രീംകോടതി ജഡ്ജിയായി നിയമിതനായി.
സുപ്രീംകോടതി ജഡ്ജി ജസ്റ്റിസ് മോഹന് എം. ശാന്തനഗൗഡര് അന്തരിച്ചു
09:25 AM Apr 25, 2021 | Deepika.com