മുംബൈ: ഐപിഎല്ലിൽ രാജസ്ഥാന് റോയല്സിനെതിരെ റോയൽ ചലഞ്ചേഴ്സ് ബംഗ്ലൂരിന് 178 റണ്സ് വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റ് ചെയ്ത രാജസ്ഥാന് നിശ്ചിത 20 ഓവറില് ഒമ്പത് വിക്കറ്റ് നഷ്ടത്തില് 177 റണ്സെടുത്തു. 32 പന്തില് നിന്ന് രണ്ടു സിക്സും അഞ്ചു ഫോറുമടക്കം 46 റണ്സെടുത്ത ശിവം ദുബെയാണ് രാജസ്ഥാന്റെ ടോപ് സ്കോറര്.
രാജസ്ഥാന്റെ തുടക്കം തകർച്ചയോടെയായിരുന്നു. ജോസ് ബട്ട്ലർ (8), മനന് വോറ(7), ഡേവിഡ് മില്ലർ(0) എന്നിവർ വേഗം മടങ്ങി. 18 പന്തില് നിന്ന് 21 റണ്സുമായി ക്യാപ്റ്റന് സഞ്ജു സാംസണും പുറത്തായതോടെ രാജസ്ഥാൻ പരുങ്ങലിലായി. അഞ്ചാം വിക്കറ്റില് ഒത്തുചേർന്ന ശിവം ദുബെ-റിയാന് പരാഗ് സഖ്യമാണ് രാജസ്ഥാനെ 100 കടത്തിയത്. ഇരുവരും ചേർന്നു 66 റൺസിന്റെ കൂട്ടുകെട്ട് ഉണ്ടാക്കി.
റിയാന് പരാഗ് 16 പന്തില് നിന്ന് 25 റണ്സെടുത്ത് പുറത്തായി. തുടര്ന്നെത്തിയ രാഹുല് തെവാട്ടിയയാണ് രാജസ്ഥാനെ 177-ല് എത്തിച്ചത്. തെവാട്ടിയ 23 പന്തില് നിന്ന് രണ്ട് സിക്സും നാല് ഫോറുമടക്കം 40 റണ്സെടുത്തു. ബാംഗ്ലൂരിന് വേണ്ടി മുഹമ്മദ് സിറാജും ഹര്ഷല് പട്ടേലും മൂന്ന് വീതം വിക്കറ്റ് നേടി.
രാജസ്ഥാനെ കരകയറ്റി ദുബെയും തെവാട്ടിയയും; ആർസിബിക്ക് 178 റണ്സ് വിജയലക്ഷ്യം
09:44 PM Apr 22, 2021 | Deepika.com