നേ​തൃ​ത്വ​ത്തി​ന് മാ​ഫി​യ സ്വ​ഭാ​വം; സു​രേ​ന്ദ്ര​നെ​തി​രെ ആ​ഞ്ഞ​ടി​ച്ച് ആ​ര്‍​എ​സ്എ​സ് നേ​താ​വ്

കൊ​ച്ചി: ബി​ജെ​പി സം​സ്ഥാ​ന നേ​തൃ​ത്വ​ത്തി​നെ​തി​രെ ആ​ഞ്ഞ​ടി​ച്ച് ആ​ര്‍​എ​സ്എ​സി​ന്‍റെ മു​തി​ർ​ന്ന നേ​താ​വ് ആ​ര്‍.​ബാ​ല​ശ​ങ്ക​ർ. സം​സ്ഥാ​ന നേ​തൃ​ത്വ​ത്തി​ന് മാ​ഫി​യ സ്വ​ഭാ​വ​മാ​ണെ​ന്ന് ആ​ര്‍​എ​സ്എ​സ് മു​ഖ​പ​ത്ര​മാ​യ ഓ​ര്‍​ഗ​നൈ​സ​റി​ന്‍റെ മു​ന്‍ പ​ത്രാ​ധി​പ​ർ കൂ​ടി​യാ​യ ബാ​ല​ശ​ങ്ക​ർ പ​റ​ഞ്ഞു. ചെ​ങ്ങ​ന്നൂ​രി​ൽ ത​നി​ക്ക് സീ​റ്റ് നി​ഷേ​ധി​ച്ച​ത് സം​സ്ഥാ​ന നേ​തൃ​ത്വം സി​പി​എ​മ്മു​മാ​യി ഉ​ണ്ടാ​ക്കി​യ ധാ​ര​ണ​പ്ര​കാ​ര​മാ​ണെ​ന്നും അ​ദ്ദേ​ഹം ആ​രോ​പി​ച്ചു.

ചെ​ങ്ങ​ന്നൂ​രി​ലെ ബി​ജെ​പി സ്ഥാ​നാ​ർ​ഥി സി​പി​എം നേ​തൃ​ത്വ​ത്തി​ന് വേ​ണ്ട​പ്പെ​ട്ട​യാ​ളാ​ണ്. ചെ​ങ്ങ​ന്നൂ​രി​ല്‍ ത​ന്‍റെ സ്ഥാ​നാ​ര്‍​ഥി​ത്വം നി​ഷേ​ധി​ച്ച​തി​നു പി​ന്നി​ല്‍ ബി​ജെ​പി-​സി​പി​എം ധാ​ര​ണ​യു​ണ്ടാ​വാം. ചെ​ങ്ങ​ന്നൂ​രും ആ​റ​ന്മു​ള​യി​ലും സി​പി​എ​മ്മി​ന്‍റെ ജ​യം ഉ​റ​പ്പാ​ക്കു​ന്ന​തി​നു പ്ര​ത്യു​പ​കാ​രം കോ​ന്നി​യി​ല്‍ എ​ന്ന​താ​യി​രി​ക്കാം ധാ​ര​ണ​യെ​ന്നും ബാ​ല​ശ​ങ്ക​ര്‍ പ​റ​യു​ന്നു.

കോ​ന്നി ഉ​പ​തെ​ര​ഞ്ഞെ​ടു​പ്പി​ല്‍ മൂ​ന്നാ​മ​തു വ​ന്ന സ്ഥാ​നാ​ര്‍​ഥി എ​ന്തി​നാ​ണ് ഇ​പ്പോ​ള്‍ വീ​ണ്ടും മ​ത്സ​രി​ക്കു​ന്ന​ത്? അ​ദ്ദേ​ഹം വീ​ണ്ടും മ​ത്സ​രി​ക്കേ​ണ്ട കാ​ര്യ​മി​ല്ല​ല്ലോ. ഇ​തി​ന്‍റെ​യൊ​പ്പം മ​ഞ്ചേ​ശ്വ​ര​ത്തും മ​ത്സ​രി​ക്കു​ന്നു​ണ്ട്. കു​റ​ഞ്ഞ ദി​വ​സ​ത്തി​നു​ള്ളി​ല്‍ ര​ണ്ടി​ട​ത്തും പ്ര​ചാ​ര​ണം ന​ട​ത്തു​ക പോ​ലും വി​ഷ​മ​മാ​ണ്. പ​ത്രി​ക സ​മ​ര്‍​പ്പി​ക്കാ​ന്‍ മാ​ത്രം മൂ​ന്നു ദി​വ​സം യാ​ത്ര​യ്ക്കു വേ​ണ്ടി വ​രും.

ഹെ​ലി​കോ​പ്റ്റ​റി​ല്‍ പ്ര​ചാ​ര​ണം ന​ട​ത്തു​മെ​ന്നാ​ണ് പ​റ​യു​ന്ന​ത്. മു​ഖ്യ​മ​ന്ത്രി​യു​ടെ ഹെ​ലി​കോ​പ്റ്റ​ര്‍ യാ​ത്ര​യെ ചോ​ദ്യം ചെ​യ്ത​യാ​ളാ​ണ് പ​റ​യു​ന്ന​ത്. ഈ ​നേ​തൃ​ത്വ​വു​മാ​യാ​ണ് കേ​ര​ള​ത്തി​ല്‍ ബി​ജെ​പി മു​ന്നോ​ട്ടു​പോ​വു​ന്ന​തെ​ങ്കി​ല്‍ മു​പ്പ​തു കൊ​ല്ല​ത്തേ​ക്ക് ഒ​ന്നും പ്ര​തീ​ക്ഷി​ക്കേ​ണ്ട​തി​ല്ല. ഈ ​സം​ഘം മാ​റാ​തെ ര​ക്ഷ​യി​ല്ലെ​ന്നു ബാ​ല​ശ​ങ്ക​ര്‍ പ​റ​ഞ്ഞു.