തിരുവനന്തപുരം: സ്ഥാനാർഥി നിര്ണയം പൂര്ത്തിയാക്കാത്ത ആറ് മണ്ഡലങ്ങളില് പുതിയ ഫോര്മുലയുമായി കോൺഗ്രസ് നേതൃത്വം. തര്ക്ക മണ്ഡലങ്ങളിലെ പ്രഖ്യാപനം തിങ്കളാഴ്ച നടക്കും. തിങ്കളാഴ്ച വൈകിട്ടോടെ സ്ഥാനാർഥി പ്രഖ്യാപനമുണ്ടാകുമെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.
കല്പറ്റ, നിലമ്പൂർ, തവനൂർ, പട്ടാമ്പി, കുണ്ടറ, വട്ടിയൂര്ക്കാവ് മണ്ഡലങ്ങളിലെ സ്ഥാനാർഥികളെയാണ് ഇനി പ്രഖ്യാപിക്കാനുള്ളത്. കല്പറ്റയില് ടി.സിദ്ദിഖ്, നിലമ്പൂരില് വി.വി. പ്രകാശ്, തവനൂരില് റിയാസ് മുക്കോളി, പട്ടാമ്പിയില് ആര്യാടന് ഷൗക്കത്ത്, കുണ്ടറയില് മില്മ ചെയര്മാന് പി.എ ബാലന് മാസ്റ്റർ, വട്ടിയൂര്ക്കാവില് പി.സി. വിഷ്ണുനാഥ് എന്നിവരെ നിർദേശിക്കുന്ന ഫോര്മുലയാണ് നേതൃത്വം മുന്പോട്ട് വെക്കുന്നത്.
വിഷ്ണുനാഥിനെ വട്ടിയൂര്ക്കാവിലേക്ക് പരിഗണിക്കുന്നുവെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രൻ സ്ഥിരീകരിച്ചു.
തര്ക്ക മണ്ഡലങ്ങളിൽ പുതിയ ഫോര്മുലയുമായി കോൺഗ്രസ് നേതൃത്വം; പ്രഖ്യാപനം തിങ്കളാഴ്ച
10:56 PM Mar 14, 2021 | Deepika.com