തിരുവനന്തപുരം: നിയമസഭാ തെരഞ്ഞെടുപ്പിൽ മത്സരിക്കാനില്ലെന്ന് താൻ നേരത്തെ വ്യക്തമാക്കിയതാണെന്ന് ബിജെപി നേതാവ് ശോഭ സുരേന്ദ്രൻ. താൻ സ്ഥാനാർഥിയാകണമെന്ന് കേന്ദ്ര നേതൃത്വം ആവശ്യപ്പെട്ടിരുന്നു. പിന്നീട് എന്ത് സംഭവിച്ചെന്ന് അറിയില്ലെന്നും അവർ മാധ്യമങ്ങളോട് പറഞ്ഞു.
കെ. സുരേന്ദ്രന് കിട്ടിയത് സുവർണാവസരമാണ്. മുതിർന്ന നേതാക്കൾക്ക് പോലും കിട്ടാത്ത സൗഭാഗ്യമാണിത്. രണ്ട് സീറ്റിലും കെ. സുരേന്ദ്രന് വിജയാശംസ നേരുന്നുവെന്നും എല്ലാ സ്ഥാനാർഥികൾക്കും വേണ്ടി പ്രവർത്തിക്കുമെന്നും ശോഭ പറഞ്ഞു.
ലതിക സുഭാഷിന്റെ വാക്കുകൾ വളരെ വേദനയോടെയാണ് കേട്ടത്. അത് നീറുന്നൊരു കാഴ്ചയാണെന്നും ശോഭ കൂട്ടിച്ചേർത്തു.
മത്സരിക്കാനില്ലെന്ന് വ്യക്തമാക്കിയതാണ്; സുരേന്ദ്രന് രണ്ടിടത്തും വിജയാശംസകൾ നേർന്ന് ശോഭ
06:03 PM Mar 14, 2021 | Deepika.com