പാലക്കാട്: നെല്ലിയാമ്പതി പോത്തുപാറ ചെക്ഡാമിൽ ചെളിയിൽ കുടുങ്ങിയ കാട്ടാന ചരിഞ്ഞു. ആനയെ രക്ഷിക്കാൻ വനംവകുപ്പ് സംഘം ശ്രമിച്ചെങ്കിലും പരാജയപ്പെടുകയായിരുന്നു.
ചൊവ്വാഴ്ചയാണ് പിടിയാനയെ ചെളിയിൽ കുടുങ്ങിയ നിലയിൽ കണ്ടെത്തിയത്. കാട്ടാനാക്കൂട്ടത്തിന്റെ ചിന്നംവിളി കേട്ടെത്തിയ തൊഴിലാളികളാണ് ആനയെ കണ്ടെത്തിയത്. മൂന്ന് ആനകൾ സമീപത്ത് നിലയുറപ്പിച്ചിരുന്നു
ആനയുടെ കാൽ മാത്രം ചെളിയിൽ കുടുങ്ങിയ നിലയിലായിരുന്നു. പിന്നീട് ആന പൂർണമായി ചെളിയിലേക്ക് ആഴ്ന്ന് പോകുകയായിരുന്നു. വ്യാഴാഴ്ച പുലർച്ചെയോടെ ആന ചെരിഞ്ഞതായി വനംവകുപ്പ് സ്ഥിരീകരിച്ചു.
നെല്ലിയാമ്പതിയിൽ ചെളിയിൽ കുടുങ്ങിയ കാട്ടാന ചരിഞ്ഞു
01:52 PM Mar 11, 2021 | Deepika.com