ന്യൂഡൽഹി: എയ്ഡഡ് സ്കൂളിലെ അധ്യാപകർ തെരഞ്ഞെടുപ്പിൽ മത്സരിക്കുന്നതും രാഷ്ട്രീയ പ്രവർത്തനം നടത്തുന്നതും വിലക്കി കൊണ്ടുള്ള കേരള ഹൈക്കോടതി ഉത്തരവിനെതിരേ സുപ്രീം കോടതിയിൽ ഹർജി. അധ്യാപകർക്കായി അഭിഭാഷകൻ ജാവേദൂർ റെഹ്മാനാണ് ഹർജി സമർപ്പിച്ചിരിക്കുന്നത്.
പിറവം പാഴൂർ സ്വദേശി ജിബു. പി തോമസുൾപ്പെടെ നൽകിയ ഹർജിയിലാണ് കഴിഞ്ഞ മാസം 25ന് കേരള ഹൈക്കോടതി എയ്ഡഡ് സ്കൂൾ അദ്ധ്യാപകർ തെരഞ്ഞെടുപ്പുകളിൽ മത്സരിക്കുന്നതിൽ നിന്ന് വിലക്കി ഉത്തരവ് പുറപ്പെടുവിച്ചത്. കുട്ടികളെ പഠിപ്പിക്കുകയെന്ന മുഖ്യഉത്തരവാദിത്വം മാറ്റിവച്ചാണ് എയ്ഡഡ് സ്കൂൾ അധ്യാപകർ രാഷ്ട്രീയപ്രവർത്തനം നടത്തുന്നതെന്ന് ഹർജിയിൽ ചൂണ്ടിക്കാട്ടുന്നത്.
സർക്കാർ സ്കൂൾ അധ്യാപകർക്കും ജീവനക്കാർക്കും രാഷ്ട്രീയപ്രവർത്തനം നടത്തുന്നതിന് നിയമപരമായി വിലക്കുണ്ട്. എയ്ഡഡ് സ്കൂൾ അധ്യാപകർക്ക് വിലക്കില്ലാത്തത് വിവേചനപരമാണെന്നും ഹർജിക്കാർ ചൂണ്ടിക്കാട്ടി.
തെരഞ്ഞെടുപ്പിൽ മത്സരിക്കണം; എയ്ഡഡ് സ്കൂൾ അധ്യാപകർ സുപ്രീം കോടതിയിൽ
10:53 PM Mar 10, 2021 | Deepika.com