തിരുവനന്തപുരം: നിയമസഭാ തെരഞ്ഞെടുപ്പിനുള്ള സിപിഎം സ്ഥാനാർഥി പട്ടിക പ്രഖ്യാപിച്ചു. മത്സരിക്കുന്ന 85 പേരിൽ 83 പേരുടെ പട്ടികയാണ് പ്രഖ്യാപിച്ചത്. മഞ്ചേശ്വരം, ദേവികുളം മണ്ഡലങ്ങളിലെ സ്ഥാനാർഥികളെ പിന്നീട് പ്രഖ്യാപിക്കുമെന്ന് സിപിഎം സംസ്ഥാന സെക്രട്ടറി എ. വിജയരാഘവൻ അറിയിച്ചു.
പ്രഖ്യാപിച്ചതിൽ 74 പേർ പാർട്ടി സ്ഥാനാർഥികളും ഒൻപതു പേർ സിപിഎം പിന്തുണയുള്ള സ്വതന്ത്രരുമാണ്. 11 വനിതകൾ പട്ടികയിൽ ഇടംപിടിച്ചു. വിദ്യാർഥി, യുവജന പ്രസ്ഥാനങ്ങളിൽ നിന്നുള്ളവർക്ക് ഉൾപ്പടെ 13 യുവസ്ഥാനാർഥികളും മത്സര രംഗത്തുണ്ടാകുമെന്ന് വിജയരാഘവൻ പറഞ്ഞു.
ബിരുദധാരികളായ 48 പേരുണ്ട് സ്ഥാനാർഥിപട്ടികയിൽ. 30 വയസിൽ വരെയുള്ള നാലു പേർക്കും സീറ്റു നൽകിയിട്ടുണ്ട്. അതേസമയം, പൊന്നാനിയിലും കുറ്റ്യാടിയിലും ഉള്പ്പടെ പ്രാദേശിക എതിര്പ്പ് ഉയര്ന്ന മണ്ഡലങ്ങളില് സ്ഥാനാര്ഥികളെ മാറ്റിയിട്ടില്ല.
അഞ്ച് മന്ത്രിമാരും 33 സിറ്റിംഗ് എംഎൽഎമാരും ഇത്തവണ മത്സരിക്കുന്നില്ല. മുഖ്യമന്ത്രി പിണറായി വിജയന് പുറമേ, മന്ത്രിമാരായ കെ.കെ. ശൈലജ, ടി.പി. രാമകൃഷ്ണൻ, എം.എം. മണി എന്നിവരും സംഘടനാരംഗത്ത് നിന്ന് എം.വി. ഗോവിന്ദൻ, കെ. രാധാകൃഷ്ണൻ, പി. രാജീവ്, കെ.എൻ. ബാലഗോപാൽ എന്നിങ്ങനെയും എട്ട് പേർ മത്സരിക്കുന്നു.
അപവാദ പ്രചാരണങ്ങളിലൂടെ ഇടത് ഭരണം തടയാമെന്നത് വ്യാമോഹമാണെന്നും വിജയരാഘവൻ പറഞ്ഞു. പാർലമെന്ററി പ്രവർത്തനം പോലെ തന്നെ സംഘടനാ പ്രവർത്തനവും പ്രധാനമാണ്. ആരെയും ഒഴിവാക്കലല്ല പുതിയ മാനദണ്ഡങ്ങളുടെ ലക്ഷ്യം. പുതിയ ആളുകൾക്ക് അവസരം നൽകാനാണ് രണ്ടു തവണ മത്സരിച്ചവർ മാറി നിൽക്കുന്നതെന്നും അദ്ദേഹം വ്യക്തമാക്കി.
തിരുവനന്തപുരം ജില്ല
• പാറശാല- സി.കെ.ഹരീന്ദ്രൻ
• നെയ്യാറ്റിൻകര - കെ. ആൻസലൻ
• വട്ടിയൂർക്കാവ് - വി.കെ.പ്രശാന്ത്
• കാട്ടാക്കട - ഐ.ബി.സതീഷ്
• നേമം - വി.ശിവൻകുട്ടി
• കഴക്കൂട്ടം - കടകംപള്ളി സുരേന്ദ്രൻ
• വർക്കല - വി. ജോയ്
• വാമനപുരം - ഡി.കെ.മുരളി
• ആറ്റിങ്ങൽ - ഒ.എസ്.അംബിക
• അരുവിക്കര - ജി. സ്റ്റീഫൻ
കൊല്ലം ജില്ല
• കൊല്ലം- എം. മുകേഷ്
• ഇരവിപുരം - എം. നൗഷാദ്
• ചവറ - ഡോ.സുജിത്ത് വിജയൻ (സ്വ)
• കുണ്ടറ - ജെ.മേഴ്സിക്കുട്ടിയമ്മ
• കൊട്ടാരക്കര - കെ.എൻ.ബാലഗോപാൽ
പത്തനംതിട്ട ജില്ല
• ആറന്മുള- വീണാ ജോർജ്
• കോന്നി - കെ.യു.ജനീഷ് കുമാർ
ആലപ്പുഴ ജില്ല
• ചെങ്ങന്നൂർ- സജി ചെറിയാൻ
• കായംകുളം - യു .പ്രതിഭ
• അമ്പലപ്പുഴ- എച്ച്.സലാം
• അരൂർ - ദലീമ ജോജോ
• മാവേലിക്കര - എം എസ് അരുൺ കുമാർ
• ആലപ്പുഴ- പി.പി .ചിത്തരഞ്ജൻ
കോട്ടയം ജില്ല
• ഏറ്റുമാനൂർ -വി.എൻ വാസവൻ
• പുതുപ്പള്ളി- ജെയ്ക്ക് സി തോമസ്
• കോട്ടയം- കെ.അനിൽകുമാർ
എറണാകുളം ജില്ല
• കൊച്ചി - കെ.ജെ. മാക്സി
• വൈപ്പിൻ - കെ.എൻ ഉണ്ണികൃഷ്ണൻ
• തൃക്കാക്കര - ഡോ. ജെ.ജേക്കബ്
• തൃപ്പൂണിത്തുറ - എം.സ്വരാജ്
• കളമശേരി - പി രാജീവ്
• കോതമംഗലം - ആൻറണി ജോൺ
• കുന്നത്ത്നാട് - പി.വി.ശ്രീനിജൻ
• ആലുവ - ഷെൽന നിഷാദ് അലി
• എറണാകുളം- ഷാജി ജോർജ് (സ്വ)
ഇടുക്കി ജില്ല
• ഉടുമ്പൻചോല - എം.എം.മണി
• ദേവികുളം- തീരുമാനമായില്ല
തൃശൂർ ജില്ല
• ഇരിങ്ങാലക്കുട - ഡോ.ആർ.ബിന്ദു
• വടക്കാഞ്ചേരി- സേവ്യർ ചിറ്റിലപ്പള്ളി
• മണലൂർ - മുരളി പെരുനെല്ലി
• ചേലക്കര - കെ.രാധാകൃഷ്ണൻ
• ഗുരുവായൂർ - അക്ബർ
• പുതുക്കാട് - കെ.കെ. രാമചന്ദ്രൻ
• കുന്നംകുളം - എ.സി.മൊയ്തീൻ
പാലക്കാട് ജില്ല
• തൃത്താല- എം ബി രാജെഷ്
• തരൂർ- പി.പി.സുമോദ്,
• കൊങ്ങാട്- ശാന്തകുമാരി
• ഷൊർണൂർ-പി.മമ്മിക്കുട്ടി
• ഒറ്റപ്പാലം-പ്രേം കുമാർ
• മലമ്പുഴ-എ.പ്രഭാകരൻ
• ആലത്തൂർ- കെ. ഡി. പ്രസേനൻ
• നെന്മാറ- കെ.ബാബു
മലപ്പുറം ജില്ല
• തവനൂർ - കെ.ടി.ജലീൽ (സ്വ)
• പൊന്നാനി- പി.നന്ദകുമാർ
• നിലമ്പൂർ-പി.വി.അൻവർ (സ്വ),
• തിരൂർ - ഗഫൂർ പി ലില്ലീസ്
• താനൂർ-അബ്ദുറഹ്മാൻ
• പെരിന്തൽമണ്ണ- മുഹമ്മദ് മുസ്തഫ
• കൊണ്ടോട്ടി-സുലൈമാൻ ഹാജി (സ്വ)
• മങ്കട- റഷീദലി
• വേങ്ങര-ജിജി
• വണ്ടൂർ- പി.മിഥുന
കോഴിക്കോട് ജില്ല
• പേരാമ്പ്ര - ടി.പി. രാമകൃഷ്ണൻ
• ബാലുശ്ശേരി : സച്ചിൻ ദേവ്
• കോഴിക്കോട് നോര്ത്ത്- തോട്ടത്തിൽ രവീന്ദ്രൻ
• ബേപ്പൂർ- പി.എ.മുഹമ്മദ് റിയാസ്
• തിരുവമ്പാടി - ലിന്റോ ജോസഫ്
• കൊടുവള്ളി - കാരാട്ട് റസാഖ് (സ്വ)
• കുന്ദമംഗലം- പിടിഎ റഹീം (സ്വ)
• കൊയിലാണ്ടി - കാനത്തിൽ ജമീല
വയനാട് ജില്ല
• മാനന്തവാടി- ഒ.ആർ കേളു
• ബത്തേരി- എം.എസ്.വിശ്വനാഥൻ
കണ്ണൂർ ജില്ല
• ധർമ്മടം -പിണറായി വിജയൻ
• തലശേരി -എ എൻ ഷംസീർ
• പയ്യന്നൂർ -ടി ഐ മധുസൂധനൻ
• കല്യാശേരി -എം വിജിൻ
• അഴിക്കോട് -കെ വി സുമേഷ്
• പേരാവൂർ - സക്കീർ ഹുസൈൻ
• മട്ടന്നൂർ -കെ.കെ.ഷൈലജ
• തളിപ്പറമ്പ് -എം.വി ഗോവിന്ദൻ
കാസർഗോഡ് ജില്ല
• ഉദുമ -സി.എച്ച്.കുഞ്ഞമ്പു
• മഞ്ചേശ്വരം - തീരുമാനമായില്ല
• തൃക്കരിപ്പൂർ -എം. രാജഗോപാൽ
പ്രതിഷേധങ്ങൾ അവഗണിച്ച് സിപിഎം; 83 സ്ഥാനാർഥികളെ പ്രഖ്യാപിച്ചു
12:18 PM Mar 10, 2021 | Deepika.com