മലപ്പുറം: മലപ്പുറം പൊന്നാനിയിൽ സിപിഎമ്മിൽ പൊട്ടിത്തെറി. സ്ഥാനാർഥി നിർണയത്തിനെതിരേ പ്രവർത്തകർ പരസ്യ പ്രകടനം നടത്തി.
പി. നന്ദകുമാറിനെ സ്ഥാനാർഥിയാക്കിയതിന് എതിരേയാണ് സ്ത്രീകൾ അടക്കമുള്ള നൂറിലധികം പ്രവർത്തകർ പ്രതിഷേധവുമായി എത്തിയത്. ടി.എം. സിദ്ദിഖിനെ സ്ഥാനാർഥിയാക്കണമെന്നുമാണ് ഇവരുടെ ആവശ്യം.
നേതാക്കളെ പാർട്ടി തിരുത്തും, പാർട്ടിയെ ജനം തിരുത്തും എന്ന ബാനർ ഉയർത്തിയാണ് പ്രവർത്തകർ തെരുവിൽ ഇറങ്ങിയത്. നേതാക്കൾ സാധാരണ പ്രവർത്തകരെ അടിച്ചമർത്താൻ ശ്രമിക്കുകയാണെന്നും പ്രവർത്തകർ പറഞ്ഞു.
"നേതാക്കളെ പാർട്ടി തിരുത്തും, പാർട്ടിയെ ജനം തിരുത്തും'; പൊന്നാനിയിൽ സിപിഎം പ്രവർത്തകരുടെ പ്രതിഷേധം
07:04 PM Mar 08, 2021 | Deepika.com