ന്യൂഡൽഹി: സിക്കിം ലോട്ടറിക്ക് പേപ്പർ ലോട്ടറി നിയമപ്രകാരം പിരിച്ച നികുതി തിരിച്ചു കൊടുക്കണമെന്ന ഹൈക്കോടതി ഉത്തരവിന് സ്റ്റേ. സംസ്ഥാന സർക്കാരിന്റെ ഹർജിയിൽ സുപ്രീംകോടതിയാണ് ഹൈക്കോടതി ഉത്തരവ് സ്റ്റേ ചെയ്തത്. കേസ് വിശദമായി പരിഗണിക്കാൻ മാറ്റിവച്ചു.
സിക്കിം ലോട്ടറിക്ക് പേപ്പർ ലോട്ടറി നിയമപ്രകാരം നികുതി ഏർപ്പെടുത്തിയ കേരള സർക്കാരിന്റെ നടപടി നിയമവിരുദ്ധമാണെന്നായിരുന്നു ഹൈക്കോടതി വിധി. ഈയിനത്തിൽ ഈടാക്കിയ തുക സർക്കാർ തിരിച്ചുനൽകണമെന്നും ഹൈക്കോതി ഉത്തരവിട്ടിരുന്നു. ഇതിനെതിരെയാണ് സംസ്ഥാന സർക്കാർ സുപ്രീംകോടതിയെ സമീപിച്ചത്.
മൂല്യവർധിത നികുതി നിലവിൽ വരികയും ലോട്ടറി നറുക്കെടുപ്പിനു ലൈസൻസ് ഫീ ജനറൽ ആക്ട് പ്രകാരം നികുതി ഇല്ലാതാകുകയും ചെയ്തതോടെ 2005 ലാണ് സിക്കിം ലോട്ടറിക്കു പുതിയ നികുതി ഏർപ്പെടുത്തിയത്.
സിക്കിം ലോട്ടറി നികുതി; ഹൈക്കോടതി വിധിക്ക് സ്റ്റേ
11:53 AM Mar 04, 2021 | Deepika.com