ആഗ്ര: താജ്മഹലിന് ബോംബ് ഭീഷണി. ഇന്ന് രാവിലെ 10.30നാണ് ഭീഷണി സന്ദേശമെത്തിയത്. താജ്മഹലിൽ ബോംബ് വച്ചിട്ടുണ്ടെന്ന സന്ദേശം പോലീസ് കണ്ട്രോൾ റൂമിലാണ് ലഭിച്ചത്. ഉടൻ തന്നെ ഇക്കാര്യം പോലീസ് താജ്മഹലിലെ സുരക്ഷ ഉദ്യോഗസ്ഥരെ അറിയിച്ചു. ഇതോടെ സന്ദർശകരെ മുഴുവൻ പുറത്തിറിക്കി, താജ്മഹൽ അടച്ചു.
പോലീസും ബോംബ് സ്ക്വാഡും പ്രദേശത്ത് തെരച്ചിൽ നടത്തിവരികയാണ്. ഇതുവരെ സ്ഫോടക വസ്തുകൾ ഒന്നും കണ്ടെത്താൻ സാധിച്ചിട്ടില്ല. വ്യാജ സന്ദേശമാണെന്നാണ് പോലീസിന്റെ പ്രാഥമി വിലയിരുത്തൽ.
താജ്മഹലിന് ബോംബ് ഭീഷണി
03:34 PM Mar 04, 2021 | Deepika.com