കൽപ്പറ്റ: വയനാട്ടിൽ സിപിഎമ്മിലും രാജി. പുൽപ്പള്ളി ഏരിയ കമ്മിറ്റി അംഗം ഇ.എ. ശങ്കരനാണ് രാജിവച്ചത്. കോൺഗ്രസ് നേതാവ് എം.എസ്. വിശ്വനാഥൻ സിപിഎമ്മിൽ ചേർന്നതിൽ പ്രതിഷേധിച്ചാണ് രാജി.
സിപിഎമ്മിന്റെ ആദിവാസി സംഘടനയുടെ അഖിലേന്ത്യ ഉപാധ്യക്ഷനാണ് ഇ.എ. ശങ്കരൻ. സിപിഎമ്മിൽനിന്ന് രാജിവച്ച അദ്ദേഹം കോൺഗ്രസിൽ ചേരുമെന്നും അറിയിച്ചു. സുൽത്താൻ ബത്തേരിയിൽ സിപിഎം സ്ഥാനാർഥിയായി അദ്ദേഹത്തെ പരിഗണിച്ചിരുന്നു.
എന്നാൽ കോൺഗ്രസിൽ നിന്ന് രാജിവച്ചെത്തിയ വിശ്വനാഥനെ ബത്തേരിയിൽ എൽഡിഎഫ് പിന്തുണയിൽ മത്സരിപ്പിക്കാനുള്ള നീക്കം സജീവമായതോടെയാണ് സിപിഎം വിടാൻ തീരുമാനിച്ചത്.
ആദിവാസികളോട് വഞ്ചനാപരമായ നിലപാടാണ് എൽഡിഎഫ് സർക്കാർ കൈക്കൊണ്ടതെന്നും ശങ്കരൻ കുറ്റപ്പെടുത്തി.
വയനാട്ടിൽ സിപിഎമ്മിലും രാജി; ഏരിയ കമ്മിറ്റി അംഗം കോൺഗ്രസിൽ ചേരും
07:50 PM Mar 03, 2021 | Deepika.com