തിരുവനന്തപുരം: സംസ്ഥാന അധ്യക്ഷൻ കെ. സുരേന്ദ്രനോട് ഉടക്കിനിൽക്കുന്ന ശോഭ സുരേന്ദ്രനെ ഉള്പ്പെടുത്താതെ സംസ്ഥാന തെരഞ്ഞെടുപ്പ് കമ്മിറ്റി പ്രഖ്യാപിച്ച് ബിജെപി. കെ.സുരേന്ദ്രനാണ് കമ്മിറ്റിയുടെ പ്രഖ്യാപനം നടത്തിയത്.
അടുത്തിടെ പാർട്ടിയിലെത്തിയ മെട്രോമാൻ ഇ. ശ്രീധരനും 16 അംഗ കമ്മിറ്റിയില് ഇടംനേടി. ശോഭയെ ഒഴിവാക്കിയപ്പോൾ സംസ്ഥാനത്തെ പ്രമുഖരായ മറ്റെല്ലാ നേതാക്കളും കമ്മിറ്റിയിൽ ഉൾപ്പെട്ടു.
കെ.സുരേന്ദ്രന്, കേന്ദ്രമന്ത്രി വി.മുരളീധരന്, ദേശീയ ഉപാധ്യക്ഷന് എ.പി. അബ്ദുള്ളക്കുട്ടി, മുന് സംസ്ഥാന അധ്യക്ഷന്മാരായ കുമ്മനം രാജശേഖരന്, ഒ.രാജഗോപാല് എംഎൽഎ, സി.കെ. പദ്മനാഭന്, പി.കെ. കൃഷ്ണദാസ്, മെട്രോമാന് ഇ.ശ്രീധരന്, സംസ്ഥാന ജനറല് സെക്രട്ടറിമാരായ എം.ടി രമേശ്, ജോര്ജ് കുര്യന്, സി.കൃഷ്ണകുമാര്, പി.സുധീര്,
സംസ്ഥാന ഉപാധ്യക്ഷന് എ.എന്. രാധാകൃഷ്ണന്, സംഘടനാ ചുമതലയുള്ള ജനറല് സെക്രട്ടറി എം.ഗണേശന്, സഹ.ജനറല് സെക്രട്ടറി കെ.സുഭാഷ്, മഹിളാമോര്ച്ച സംസ്ഥാന അധ്യക്ഷ നിവേദിത സുബ്രഹ്മണ്യന് എന്നിവരാണ് കമ്മിറ്റിയിലുള്ളത്.
ശോഭ സുരേന്ദ്രനെ ഉള്പ്പെടുത്താതെ ബിജെപി തെരഞ്ഞെടുപ്പ് കമ്മിറ്റി
07:14 PM Mar 03, 2021 | Deepika.com