ന്യൂഡൽഹി: കോൺഗ്രസ് നേതൃത്വത്തെ പരസ്യമായി വിമർശിച്ച തിരുത്തൽവാദി നേതാക്കൾക്ക് മറുപടിയുമായി രാഹുൽ ഗാന്ധി. കോർനെൽ സർവകലാശാലയിൽ നടന്ന വെർച്വൽ ചർച്ചയിലാണ് രാഹുൽ ഇക്കാര്യത്തിൽ മറുപടി നൽകിയത്.
യൂത്ത് കോൺഗ്രസിലും എൻഎസ്യുവിലും സംഘടനാ തെരഞ്ഞെടുപ്പ് നടത്തിയത് താനാണ്. എന്നാൽ അതിന്റെ പേരിൽ പാർട്ടിക്കുള്ളിൽ പോലും താൻ ക്രൂശിക്കപ്പെട്ടുവെന്നും രാഹുൽ പറഞ്ഞു. സ്വന്തം പാർട്ടിയിലെ ആളുകൾ തന്നെയാണ് തനിക്കെതിരേ ആക്രമണം അഴിച്ചുവിടുന്നതെന്നും രാഹുൽ തുറന്നടിച്ചു.
ഇന്ദിരാഗാന്ധിയുടെ ഭരണകാലത്ത് അടിയന്തരാവസ്ഥ ഏർപ്പെടുത്തിയത് തെറ്റാണ്. എന്നാൽ ആ സമയത്ത് സംഭവിച്ചതും ഇന്ന് നരേന്ദ്ര മോദിയുടെ ഭരണത്തിൽ രാജ്യത്ത് സംഭവിക്കുന്നതും തമ്മിൽ വ്യത്യാസമുണ്ടെന്നും രാഹുൽ പറഞ്ഞു.
"നല്ലകാര്യങ്ങൾ ചെയ്തതിന് പോലും ആക്രമിക്കപ്പെട്ടു'; തിരുത്തൽവാദികൾക്ക് രാഹുലിന്റെ മറുപടി
11:36 PM Mar 02, 2021 | Deepika.com