കോൽക്കത്ത: ഐ ലീഗിൽ ചർച്ചിൽ ബ്രദേഴ്സിനെതിരെ ഗോകുലം കേരളയ്ക്ക് തോൽവി. രണ്ടിനെതിരെ മൂന്ന് ഗോളുകൾക്കായിരുന്നു ഗോകുലത്തെ ചർച്ചിൽ ബ്രദേഴ്സ് കീഴടക്കിയത്. ഹാട്രിക്ക് നേടിയ ലുക്കയാണ് ചർച്ചിൽ ബ്രദേഴ്സിന്റെ വിജയശില്പി.
26-ാം മിനിറ്റിൽ ലുക്ക ചർച്ചിലിന് ലീഡ് നൽകിയത്. 30-ാം മിനിട്ടിൽ ബരെറ്റോ ചുവപ്പ് കണ്ട് പുറത്തായതോടെ ഗോകുലം പത്ത് പേരായി ചുരുങ്ങി. 45-ാം മിനിട്ടിൽ ഒരു പെനാൽട്ടിയിലൂടെ കളിയിലേക്ക് തിരികെ വരാൻ ഗോകുലത്തിന് അവസരം ലഭിച്ചെങ്കിലും ലക്ഷ്യത്തിൽ എത്തിക്കാൻ അഡ്ജയ്ക്ക് ആയില്ല.
രണ്ടാം പകുതിയിൽ 53-ാം മിനിട്ടിൽ ലുക്ക ചർച്ചിലിന്റെ ലീഡ് ഇരട്ടിയാക്കി. 80-ാം മിനിട്ടിൽ അഡ്ജയാണ് കേരളത്തിനായി ആദ്യ ഗോൾ നേടിയത്. 87-ാം മിനിട്ടിൽ ലുക്ക വീണ്ടും വലകുലുക്കി. ഇത്തവണ ഒരു പെനാൽട്ടിയിൽ നിന്നായിരുന്നു ലുക്കയുടെ ഗോൾ.
ഇഞ്ചൂറി ടൈമിൽ ഗോൾ നേടി ജിതിൻ ഗോകുലത്തിന് വീണ്ടും പ്രതീക്ഷ നൽകി. അവസാന വിസിൽ വരെ ഗോകുലം പൊരുതി എങ്കിലും പരാജയം ഒഴിവാക്കാൻ ആയില്ല.
ലുക്കയ്ക്ക് ഹാട്രിക്; ചർച്ചിലിനെതിരെ ഗോകുലത്തിന് തോൽവി
04:57 PM Mar 01, 2021 | Deepika.com