അബുദാബി: യുഎഇയില് ഒന്പത് മുതല് 12 വരെയുള്ള ക്ലാസുകളില് ഓണ്ലൈന് പഠനം തുടരുമെന്ന് അധികൃതര് അറിയിച്ചു. ജനുവരി 17 മുതല് കുട്ടികള് സ്കൂളുകളിലേക്ക് തിരിച്ചെത്താനിരിക്കവെയാണ് നേരിട്ടുള്ള ക്ലാസുകള് തുടങ്ങുന്നത് നീട്ടിവെച്ചുകൊണ്ട് വിദ്യാഭ്യാസ മന്ത്രാലയം തീരുമാനമെടുത്തത്.
രാജ്യത്ത് കോവിഡ് കേസുകൾ വർധിച്ച് വരുന്ന സാഹചര്യത്തിലാണ് തീരുമാനം. വിദൂര വിദ്യാഭ്യാസ രീതി തന്നെ തുടരാന് തീരുമാനിച്ച വിവരം സ്കൂളുകളെ അറിയിക്കാന് വിദ്യാഭ്യാസ മന്ത്രാലയം അധികൃതര് അടിയന്തര യോഗം വിളിച്ചുചേര്ത്തു.
സ്കൂളില് വന്ന് പഠനം തുടരാന് തീരുമാനിച്ച വിദ്യാർഥികളോടും തത്കാലം ഓണ്ലൈന് രീതി തന്നെ തുടരാന് നിര്ദേശം നല്കി. സ്കൂള് അധികൃതര് എസ്എംഎസ് വഴിയും ഇ-മെയിലുകള് വഴിയും കുട്ടികളുടെ രക്ഷിതാക്കളെ വിവരമറിയിക്കുന്നുണ്ട്.
യുഎഇയില് ഒമ്പത് മുതൽ 12 വരെയുള്ള ക്ലാസുകളില് ഓണ്ലൈന് പഠനം തുടരും
02:36 AM Jan 15, 2021 | Deepika.com