സു​പ്രീം കോ​ട​തി ഉ​ത്ത​ര​വ് സ്വാ​ഗ​തം ചെ​യ്യു​ന്നു: കേ​ന്ദ്ര സ​ർ​ക്കാ​ർ

ന്യൂ​ഡ​ൽ​ഹി: വി​വാ​ദ കാ​ർ​ഷി​ക നി​യ​മ​ങ്ങ​ൾ ന​ട​പ്പാ​ക്കു​ന്ന​തു സ്റ്റേ ​ചെ​യ്യ​ണ​മെ​ന്ന സു​പ്രീം കോ​ട​തി ഉ​ത്ത​ര​വ് സ്വാ​ഗ​തം ചെ​യ്യു​ന്ന​താ​യി കേ​ന്ദ്ര സ​ർ​ക്കാ​ർ. സ​ർ​ക്കാ​രി​ന്‍റെ താ​ൽ​പ​ര്യ​ത്തി​നു വി​രു​ദ്ധ​മാ​ണെ​ങ്കി​ലും വി​ധി മാ​നി​ക്കു​ന്ന​താ​യി കേ​ന്ദ്ര കൃ​ഷി സ​ഹ​മ​ന്ത്രി കൈ​ലാ​ഷ് ചൗ​ധ​രി പ​റ​ഞ്ഞു. കോ​ട​തി നി​യോ​ഗി​ച്ച വി​ദ​ഗ്ധ സ​മി​തി​യെ സ്വാ​ഗ​തം ചെ​യ്യു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.

സ​ർ​ക്കാ​ർ എ​ല്ലാ​യ്പ്പോ​ഴും ച​ർ​ച്ച​ക​ൾ​ക്ക് ത​യാ​റാ​ണ്. എ​ന്നാ​ൽ ജ​നു​വ​രി 15 ന് ​ന​ട​ക്കാ​നി​രി​ക്കു​ന്ന ഒ​ൻ​പ​താം റൗ​ണ്ട് ച​ർ​ച്ച​യു​മാ​യി മു​ന്നോ​ട്ട് പോ​ക​ണോ എ​ന്ന് തീ​രു​മാ​നി​ക്കേ​ണ്ട​ത് ക​ർ​ഷ​ക യൂ​ണി​യ​നു​ക​ളാ​ണ്. സു​പ്രീം കോ​ട​തി ഉ​ത്ത​ര​വ് സ​ർ​ക്കാ​ർ താ​ൽ​പ​ര്യ​ത്തി​ന് വി​രു​ദ്ധ​മാ​ണ്. നി​യ​മ​ങ്ങ​ൾ തു​ട​ര​ണ​മെ​ന്നാ​ണ് സ​ർ​ക്കാ​ർ ആ​ഗ്ര​ഹി​ക്കു​ന്ന​ത്. എ​ന്നി​രു​ന്നാ​ലും ഉ​ത്ത​ര​വി​നെ സ്വാ​ഗ​തം ചെ​യ്യു​ക​യാ​ണെ​ന്നും മ​ന്ത്രി പ​റ​ഞ്ഞു.

വി​വാ​ദ കാ​ർ​ഷി​ക നി​യ​മ​ങ്ങ​ൾ ന​ട​പ്പാ​ക്കു​ന്ന​തു സു​പ്രീം കോ​ട​തി താ​ത്കാ​ലി​ക​മാ​യി സ്റ്റേ ​ചെ​യ്തെ​ങ്കി​ലും ഇ​വ പി​ൻ​വ​ലി​ക്കാ​തെ സ​മ​ര​ത്തി​ൽ നി​ന്നു പി​ൻ​മാ​റി​ല്ലെ​ന്ന നി​ല​പാ​ടി​ലാ​ണ് ക​ർ​ഷ​ക​ർ. ക​ർ​ഷ​ക സ​മ​രം തീ​ർ​പ്പാ​ക്കാ​ൻ സു​പ്രീം കോ​ട​തി രൂ​പീ​ക​രി​ച്ച് ക​മ്മി​റ്റി​ക്കു മു​ന്നി​ൽ ഹാ​ജ​രാ​കി​ല്ലെ​ന്നും ക​ർ​ഷ​ക​ർ വ്യ​ക്ത​മാ​ക്കി. ബി​ല്ലു​ക​ൾ തി​രി​ച്ചെ​ടു​ക്കാ​തെ വീ​ട്ടി​ലേ​ക്കു മ​ട​ങ്ങി​ല്ലെ​ന്നാ​ണ് സു​പ്രീം കോ​ട​തി വി​ധി​ക്കു പി​ന്നാ​ലെ ഡ​ൽ​ഹി അ​തി​ർ​ത്തി​ക​ളി​ൽ സ​മ​രം ചെ​യ്യു​ന്ന ക​ർ​ഷ​ക​ർ പ​റ​ഞ്ഞ​ത്.