ബാങ്കോക്ക്: തായ്ലൻഡ് ഓപ്പണ് ബാഡ്മിന്റണ് ടൂർണമെന്റിന് ബാങ്കോക്കിലെത്തിയ ഇന്ത്യൻ താരങ്ങൾക്ക് കോവിഡ് സ്ഥിരീകരിച്ചു. സൈന നെഹ്വാൾ, എച്ച്.എസ്.പ്രണോയി എന്നിവർക്കാണ് കോവിഡ് പോസിറ്റീവായത്. ഇതോടെ ഇരുവരും ക്വാറന്ൈറനിലായി.
സൈനയ്ക്ക് കോവിഡ് പിടിപെട്ടതോടെ ഭർത്താവ് പി.കശ്യപിനും ടൂർണമെന്റിൽ നിന്നും പിന്മാറേണ്ടി വന്നു. കശ്യപിന് കോവിഡ് സ്ഥിരീകരിച്ചിട്ടില്ലെങ്കിലും സൈനയുമായി അടുത്ത സമ്പർക്കമുള്ളതാണ് പിന്മാറ്റത്തിന് കാരണം. തായ്ലൻഡിലെ കോവിഡ് പ്രോട്ടോക്കോൾ പ്രകാരം പോസിറ്റീവ് എന്ന് കണ്ടെത്തിയ താരങ്ങൾ 10 ദിവസം ആശുപത്രിയിൽ കഴിയേണ്ടി വരും.
ടൂർണമെന്റിന് മുന്നോടിയായി മൂന്നാമതും നടത്തിയ പരിശോധനയിലാണ് സൈനയും പ്രണോയിയും കോവിഡ് പോസിറ്റീവായത്. ടൂർണമെന്റിന് എത്തിയ മറ്റ് ഇന്ത്യൻ താരങ്ങൾക്ക് മത്സരങ്ങളിൽ പങ്കെടുക്കാം.
സൈനയ്ക്കും പ്രണോയിക്കും കോവിഡ്; ക്വാറന്റൈനിൽ
12:42 PM Jan 12, 2021 | Deepika.com