ക്യൂ​ബ​യ്ക്കെ​തി​രേ അ​മേ​രി​ക്ക; ഭീ​ക​ര​ത പ്രോ​ത്സാ​ഹി​പ്പി​ക്കു​ന്ന രാ​ജ്യ​മാ​യി പ്ര​ഖ്യാ​പി​ച്ചു

വാ​ഷിം​ഗ്ട​ണ്‍: ക്യൂ​ബ​യെ ഭീ​ക​ര​വാ​ദ​ത്തെ പ്രോ​ത്സാ​ഹി​പ്പി​ക്കു​ന്ന രാ​ജ്യ​മാ​യി വീ​ണ്ടും പ്ര​ഖ്യാ​പി​ച്ച് അ​മേ​രി​ക്ക. അ​ഞ്ചു വ​ർ​ഷ​ത്തി​നു​ശേ​ഷ​മാ​ണു ക്യൂ​ബ​യെ ഭീ​ക​ര​വാ​ദം പ്രോ​ത്സാ​ഹി​പ്പി​ക്കു​ന്ന രാ​ഷ്ട്ര​മാ​യി അ​മേ​രി​ക്ക വീ​ണ്ടും പ്ര​ഖ്യാ​പി​ച്ച​ത്.

ഭീ​ക​ര​വാ​ദി​ക​ൾ​ക്കു സു​ര​ക്ഷി​ത​മാ​യ താ​വ​ളം ഒ​രു​ക്കു​ന്ന​തി​ലൂ​ടെ ക്യൂ​ബ ആ​ഗോ​ള ഭീ​ക​ര​വാ​ദ​ത്തെ തു​ട​ർ​ച്ച​യാ​യി സ​ഹാ​യി​ച്ചു കൊ​ണ്ടി​രി​ക്കു​ക​യാ​ണെ​ന്നു യു​എ​സ് സ്റ്റേ​റ്റ് സെ​ക്ര​ട്ട​റി മൈ​ക്ക് പോം​പി​യോ പ​റ​ഞ്ഞു. ഭീ​ക​ര​വാ​ദ​ത്തെ പ്രോ​ത്സാ​ഹി​പ്പി​ക്കു​ന്ന പ്ര​വ​ർ​ത്ത​ന​ങ്ങ​ൾ അ​വ​സാ​നി​പ്പി​ക്കു​മെ​ന്ന ഉ​റ​പ്പു പാ​ലി​ക്കാ​ത്ത​തി​നാ​ലാ​ണു ക്യൂ​ബ​യെ വീ​ണ്ടും എ​സ്എ​സ്ടി പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​തെ​ന്നും പോം​പി​യോ കൂ​ട്ടി​ച്ചേ​ർ​ത്തു.

അ​ധി​കാ​രം ഒ​ഴി​യാ​ൻ ഒ​ന്പ​തു ദി​വ​സം മാ​ത്രം ബാ​ക്കി​നി​ൽ​ക്കെ​യാ​ണു ട്രം​പ് ഭ​ര​ണ​കൂ​ടം ക്യൂ​ബ​യ്ക്കു മേ​ൽ പ്ര​തി​കാ​ര ന​ട​പ​ടി സ്വീ​ക​രി​ച്ച​തെ​ന്നാ​ണു ശ്ര​ദ്ധേ​യം. അ​മേ​രി​ക്ക​ൻ പ്ര​സി​ഡ​ന്‍റ് ഡൊ​ണാ​ൾ​ഡ് ട്രം​പി​ന്‍റെ ന​ട​പ​ടി​യെ ക്യൂ​ബ​ൻ വി​ദേ​ശ​കാ​ര്യ മ​ന്ത്രാ​ല​യം ശ​ക്ത​മാ​യ ഭാ​ഷ​യി​ൽ അ​പ​ല​പി​ച്ചു.

1982-ലാ​ണ് അ​മേ​രി​ക്ക ക്യൂ​ബ​യെ ഭീ​ക​ര രാ​ജ്യ​ങ്ങ​ളു​ടെ പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​ത്. ലാ​റ്റി​ന​മേ​രി​ക്ക​യി​ലെ​യും ആ​ഫ്രി​ക്ക​യി​ലെ​യും ഇ​ട​തു​ഗ്രൂ​പ്പു​ക​ളെ ഫി​ഡ​ൽ കാ​സ്ട്രോ സ​ർ​ക്കാ​ർ പ്രോ​ത്സാ​ഹി​പ്പി​ക്കു​ന്നു​വെ​ന്നു കാ​ണി​ച്ചാ​യി​രു​ന്നു ന​ട​പ​ടി.

എ​ന്നാ​ൽ 2015-ൽ ​മു​ൻ അ​മേ​രി​ക്ക​ൻ പ്ര​സി​ഡ​ന്‍റ് ബ​രാ​ക് ഒ​ബാ​മ ക്യൂ​ബ​യു​മാ​യു​ള്ള ന​യ​ത​ന്ത്ര ബ​ന്ധം മെ​ച്ച​പ്പെ​ടു​ത്തി​യി​രു​ന്നു. ഇ​തി​നു​പി​ന്നാ​ലെ അ​ദ്ദേ​ഹം ക്യൂ​ബ​യെ ഭീ​ക​ര​വാ​ദ രാ​ഷ്ട്ര​ങ്ങ​ളു​ടെ പ​ട്ടി​ക​യി​ൽ നി​ന്ന് ഒ​ഴി​വാ​ക്കു​ക​യും ചെ​യ്തു. എ​ന്നാ​ൽ അ​ഞ്ചു വ​ർ​ഷ​ത്തി​നു​ശേ​ഷം ക്യൂ​ബ​യെ ഭീ​ക​ര​വാ​ദം പ്രോ​ത്സാ​ഹി​പ്പി​ക്കു​ന്ന രാ​ഷ്ട്ര​മാ​യി അ​മേ​രി​ക്ക വീ​ണ്ടും പ്ര​ഖ്യാ​പി​ക്കു​ക​യാ​യി​രു​ന്നു.