ലണ്ടൻ: എഫ്എ കപ്പിൽ വന്പൻ ജയവുമായി ടോട്ടനം ഹോട്ട്സ്പർ നാലാം റൗണ്ടിൽ. മൂന്നാം റൗണ്ടിൽ നോൺ ഡിവിഷൻ ക്ലബായ മറൈനെ നേരിയ്റ്റ ടോട്ടനം എതിരില്ലാത്ത അഞ്ചു ഗോളുകൾക്ക് തകർത്തു. സ്ട്രൈക്കർ കാർലോസ് വിനീഷ്യസിന്റെ ഹാട്രിക്കായിരുന്നു ടോട്ടനത്തിന്റെ വിജയം എളുപ്പമാക്കിയത്.
24, 30, 37 മിനിറ്റുകളിലാണ് വിനീഷ്യസ് ഗോൾ നേടിയത്. ടോട്ടനത്തിനായുള്ള താരത്തിന്റെ ആദ്യ ഹാട്രിക്കാണിത്. ഇതുകൂടാതെ ലൂകസ് മൗറയും(32) യുവതാരം ആൽഫി ഡെവിനും(60) ആണ് ടോട്ടനത്തിനായി വലകുലുക്കിയത്.
16 വയസും 162 ദിവസവും മാത്രം പ്രായമുള്ള ആൽഫി ഈ ഗോളോടെ ടോട്ടനത്തിന്റെ ഏറ്റവും പ്രായം കുറഞ്ഞ ഗോൾ സ്കോറർ ആയി മാറി.
എഫ്എ കപ്പ്: മറൈനെ അഞ്ച് ഗോളിൽ മുക്കി ടോട്ടനം
04:54 AM Jan 11, 2021 | Deepika.com