വയനാട്: പുല്പ്പള്ളി കൊളവള്ളിയില് ജനവാസ കേന്ദ്രത്തിലിറങ്ങിയ കടുവയെ തുരത്തുന്നതിനിടെ ഫോറസ്റ്റ് റെയ്ഞ്ചറെ കടുവ അക്രമിച്ചു. പരിക്കേറ്റ ചെതലയം റെയ്ഞ്ച് ഓഫീസര് ടി.ശശികുമാറിനെ ആശുപത്രിയില് പ്രവേശിപ്പിച്ചു. പുല്പ്പള്ളി കബനി തീരത്തെ കോളവള്ളിയിലെ ഒരു കൃഷിയിടത്തിലാണ് കടുവയെ കണ്ടത്.
നാട്ടുകാരുടെ കൂടി സഹകരണത്തോടെ കടുവയെ തുരത്താന് ശ്രമിക്കുന്നിനിടെയാണ് പതുങ്ങിയിരുന്ന കടുവ ശശികുമാറിനെ ആക്രമിച്ചത്. മറ്റു വനപാലകരും നാട്ടുകാരും ബഹളം വെച്ചതിനാല് കടുവ ഓടി രക്ഷപെട്ടു.
ഈ കടുവയെ തുരത്താന് കഴിഞ്ഞ അഞ്ചുദിവസമായി വനംപാലകര് ശ്രമം തുടരുകയാണ്. നാട്ടുകാരുടെ പ്രതിക്ഷേധത്തെ തുടര്ന്ന് വനംവകുപ്പ് കബനി പരിസരത്തെ വിവിധയിടങ്ങളില് കൂടുവെച്ചിട്ടുണ്ട്.
കടുവ ആക്രമിക്കാന് തുടങ്ങിയ സാഹചര്യത്തില് പ്രദേശവാസികള് അതീവ ജാഗ്രത പാലിക്കണമെന്ന് വനംവകുപ്പ് മുന്നറിയിപ്പ് നല്കി.
വയനാട്ടിൽ കടുവ റെയ്ഞ്ചറെ ആക്രമിച്ചു; പ്രദേശവാസികള്ക്ക് ജാഗ്രതാ നിര്ദ്ദേശം
05:45 PM Jan 10, 2021 | Deepika.com