സിഡ്നി: സിഡ്നി ടെസ്റ്റിനുള്ള ഇന്ത്യൻ ടീമിനെ പ്രഖ്യാപിച്ചു. രോഹിത് ശർമ, നവ്ദീപ് സെയ്നി എന്നിവർ പരന്പരയിലെ മൂന്നാം ടെസ്റ്റിനുള്ള ടീമിൽ ഇടംപിടിച്ചു. മായങ്ക് അഗർവാൾ പുറത്തായി.
ശുഭ്മാൻ ഗില്ലിനൊപ്പം രോഹിത് ശർമയാകും സിഡ്നിയിൽ ഇന്ത്യയ്ക്കായി ഇന്നിംഗ്സ് ഓപ്പണ് ചെയ്യുക. ടെസ്റ്റ് പരിചയമുള്ള ഷർദുൽ താക്കൂർ, ടി. നടരാജൻ എന്നിവരെ പിന്തള്ളിയാണ് നവ്ദീപ് സെയ്നി ടീമിൽ ഇടംപിടിച്ചത്. സെയ്നിയുടെ അരങ്ങേറ്റമാണ്. മായങ്ക് അഗർവാൾ പുറത്തായതോടെ ഹനുമ വിഹാരി സ്ഥാനം നിലനിർത്തി. ഋഷഭ് പന്ത് വിക്കറ്റ് കീപ്പറായി തുടരും.
ഇന്ത്യൻ ടീം: അജിൻക്യ രഹാനെ (ക്യാപ്റ്റൻ), രോഹിത് ശർമ (വൈസ് ക്യാപ്റ്റൻ), ശുഭ്മാൻ ഗിൽ, ചേതേശ്വർ പൂജാര, ഹനുമ വിഹാരി, ഋഷഭ് പന്ത് (വിക്കറ്റ് കീപ്പർ), രവീന്ദ്ര ജഡേജ, രവിചന്ദ്രൻ അശ്വിൻ, ജസ്പ്രീത് ബുംറ, മുഹമ്മദ് സിറാജ്, നവ്ദീപ് സെയ്നി.
നവ്ദീപ് സെയ്നിക്കു സിഡ്നിയിൽ ടെസ്റ്റ് അരങ്ങേറ്റം; രോഹിത് ടീമിൽ, മായങ്ക് പുറത്ത്
02:45 PM Jan 06, 2021 | Deepika.com