തിരുവനന്തപുരം: ഉമ്മൻചാണ്ടിയെ യുഡിഎഫ് കണ്വീനറാക്കാൻ യുഡിഎഫിൽ ധാരണയെന്നു റിപ്പോർട്ട്. ഘടകകക്ഷികളുടെ ആവശ്യത്തെത്തുടർന്നാണു തീരുമാനം.
എഐസിസി ജനറൽ സെക്രട്ടറി താരിഖ് അൻവർ ഞായറാഴ്ച കേരളത്തിലെത്തുന്പോൾ ഇതു സംബന്ധിച്ചു തീരുമാനം പ്രഖ്യാപിച്ചേക്കുമെന്നാണു റിപ്പോർട്ട്. ഉമ്മൻ ചാണ്ടിയെ യുഡിഎഫ് ചെയർമാനോ പ്രചാരണ സമിതി അധ്യക്ഷനോ ആക്കണമെന്നാണു മിക്ക നേതാക്കളുടെയും ആവശ്യം. ഇതുകൂടി പരിഗണിച്ചാണു നടപടി.
മുന്നണി വിപൂലീകരണം ഉൾപ്പെടെ ലക്ഷ്യമിട്ടാണ് താരിഖ് അൻവർ കേരളത്തിലെത്തുന്നത്. ഇടതുമുന്നണിയുമായി ഇടഞ്ഞുനിൽക്കുന്ന എൻസിപിയുമായും താരിഖ് അൻവർ ചർച്ച നടത്തും.
തദ്ദേശ തെരഞ്ഞെടുപ്പിലെ പരാജയത്തെ തുടർന്ന് നേരത്തെ താരിഖ് അൻവർ കേരളത്തിലെത്തി കോണ്ഗ്രസ് നേതാക്കളുമായും മുതിർന്ന ഘടകകക്ഷി നേതാക്കളുമായും ചർച്ച നടത്തിയിരുന്നു.
യുഡിഎഫ് നേതൃത്വത്തിൽ പൊളിച്ചെഴുത്ത്; ഉമ്മൻചാണ്ടി കണ്വീനർ സ്ഥാനത്തേക്ക്
12:14 PM Jan 03, 2021 | Deepika.com