റിയാദ്: 15-ാമത് ജി- 20 ഉച്ചകോടിക്ക് സൗദി അറേബ്യയുടെ തലസ്ഥാനമായ റിയാദിൽ ഇന്ന് തുടക്കമാകും. സൗദി ഭരണാധികാരി സല്മാന് ബിന് അബ്ദുല് അസീസ് രാജാവിന്റെ അധ്യക്ഷതയിലാണ് ഈ വര്ഷത്തെ ഉച്ചകോടി നടക്കുന്നത്. ഇന്നും ഞായറാഴ്ചയുമാണ് ഉച്ചകോടി നടക്കുന്നത്. കോവിഡ് ഭീഷണി ഒഴിയാത്ത സാഹചര്യത്തിൽ ഉച്ചകോടി ഓൺലൈനിൽ നടത്താനാണ് തീരുമാനിച്ചിരിക്കുന്നത്.
‘21-ാം നൂറ്റാണ്ടിന്റെ അവസരങ്ങൾ ഉപയോഗപ്പെടുത്തൽ’ എന്ന തലക്കെട്ടിലാണ് ഉത്തവണത്തെ ഉച്ചകോടി. യൂറോപ്യന് യൂണിയന്, അമേരിക്ക, ഇന്ത്യ, സൗദി അറേബ്യ ഉള്പ്പെടെ ലോകത്തിലെ വന്ശക്തികളായ 20 രാജ്യങ്ങളാണ് ഉച്ചകോടിയിലെ അംഗങ്ങള്. 2019 ജൂണില് ജപ്പാനിലെ ഒസാക്കയില് ചേര്ന്ന 14-ാമത് ഉച്ചകോടിയിലാണ് സൗദി അറേബ്യയ്ക്ക് 2020ലെ ഉച്ചകോടിയുടെ അധ്യക്ഷ പദവി ലഭിച്ചത്.
ജി-20 ഉച്ചകോടിക്ക് ഇന്ന് സൗദിയിൽ തുടക്കമാകും
07:17 AM Nov 21, 2020 | Deepika.com