ന്യൂഡൽഹി: ബിജെപി എംപിയും മുൻ കേന്ദ്രമന്ത്രിയുമായ മേനക ഗാന്ധിക്കെതിരായ അഴിമതി കേസിൽ ഡൽഹി ഹൈക്കോടതി സിബിഐക്ക് നോട്ടീസയച്ചു. കേസന്വേഷണം അവസാനിപ്പിച്ചു കൊണ്ടുള്ള സിബിഐയുടെ ക്ലോസർ റിപ്പോർട്ട് വിചാരണ കോടതി തള്ളിയതിനെതിരേ നൽകിയ ഹർജിയിലാണ് ഹൈക്കോടതിയുടെ നടപടി.
ഒരു ട്രസ്റ്റിനു 50 ലക്ഷം രൂപ അനധികൃതമായി അനുവദിച്ച സംഭവത്തിലാണ് മേനക ഗാന്ധിക്കും മറ്റ് രണ്ടു പേർക്കുമെതിരേ 2006ൽ കേസെടുത്തത്. കേസിൽ പ്രഥമ ദൃഷ്ട്യാ ക്രിമിനൽ ഗൂഡാലോചന വ്യക്തമാണെന്നു സിബിഐയുടെ ക്ലോസർ റിപ്പോർട്ട് തള്ളിക്കൊണ്ട് വിചാരണ കോടതി വ്യക്തമാക്കിയിരുന്നു.
മേനക ഗാന്ധിക്കെതിരായ അഴിമതി കേസ് അവസാനിപ്പിച്ചു; സിബിഐക്ക് ഡൽഹി ഹൈക്കോടതിയുടെ നോട്ടീസ്
08:03 PM Nov 20, 2020 | Deepika.com