വാഷിംഗ്ടണ് ഡിസി: ലോകത്തെ കോവിഡ് വ്യാപനത്തിൽ ശമനമില്ല. കഴിഞ്ഞ 24 മണിക്കൂറിനിടെ അഞ്ചു ലക്ഷത്തിലേറെപ്പേർക്കാണ് കോവിഡ് ബാധിച്ചത്. കൃത്യമായി പറഞ്ഞാൽ 500,788 പേരാണ് പുതിയതായി കോവിഡ് ബാധിതരായത്. ഇതോടെ ലോകത്തെ ആകെ കോവിഡ് ബാധിതരുടെ എണ്ണം 50,150,049 ആയി ഉയർന്നു.
വൈറസ് ബാധിച്ച് 7,342 പേരാണ്് പുതിയതായി മരിച്ചത്. ഇതോടെ കോവിഡ് ബാധയേത്തുടർന്നുള്ള ആകെ മരണം. 1,255,533 ആയി. 35,525,025 പേരാണ്് ഇതുവരെ രോഗമുക്തി നേടിയത്.
നിലവിൽ 13,369,491 പേരാണ് രോഗം ബാധിച്ച് ചികിത്സയിലുള്ളത്. ഇതിൽ 91,476 പേരുടെ നില അതീവ ഗുരുതരമാണെന്നാണ്് വിവരം.
അമേരിക്ക, ഇന്ത്യ, ബ്രസീൽ, റഷ്യ, ഫ്രാൻസ്, സ്പെയിൻ, അർജന്റീന, ബ്രിട്ടൻ, കോളംബിയ, മെക്സിക്കോ എന്നീ രാജ്യങ്ങളാണ് കോവിഡ് ബാധയിൽ ആദ്യ പത്തിലുള്ളത്.
ലോകത്ത് 24 മണിക്കൂറിനിടെ അഞ്ചു ലക്ഷത്തിലേറെ കോവിഡ് ബാധിതർ
06:27 AM Nov 08, 2020 | Deepika.com