ന്യൂഡൽഹി: കോവിഡ്, ആസ്പിരിന് കഴിച്ചാല് സുഖപ്പെടുമോ? കോവിഡ് എന്നാൽ ത്രോബോസിസിന് (ധമനികളില് രക്തം കട്ടിയാകുന്ന രോഗം) കാരണമാകുന്ന ബാക്ടീരിയ ആണെന്നും ആസ്പിരിന് കഴിച്ചാല് സുഖപ്പെടുമെന്നുമാണ് ചില "വൈദ്യന്'മാരുടെ പ്രചരണം. വാട്സ്ആപ്പിലൂടെയുള്ള സന്ദേശം ഇതിനകം വൈറലായിക്കഴിഞ്ഞു.
ഇതില് എന്തെങ്കിലും സത്യമുണ്ടോ? ഇല്ലെന്നാണ് വിദഗ്ധര് നല്കുന്ന മുന്നറിയിപ്പ്. കോവിഡിന് നാളിതുവരെ ലോകരാജ്യങ്ങള് അംഗീകരിച്ച മരുന്ന് കണ്ടുപിടിച്ചിട്ടില്ല. സമൂഹമാധ്യമങ്ങളിലൂടെ കോവിഡിന് മരുന്ന് എന്ന നിലയില് പ്രചരിക്കുന്നവ എല്ലാം വ്യാജ സന്ദേശങ്ങളാണ്.
ഇത്തരം വ്യാജവൈദ്യന്മാരുടെ ഉപദേശങ്ങളില് വീണ് ആരോഗ്യം നശിപ്പിക്കരുത്- കേന്ദ്ര സർക്കാരിന്റെ ഫാക്ട് ചെക്ക് വിഭാഗമായ പിഐബി അറിയിച്ചു.
ആസ്പിരിന് കഴിച്ചാല് കോവിഡ് സുഖപ്പെടും;വാട്സ്ആപ്പ് വൈദ്യരെ വിശ്വസിക്കാമോ?
09:44 PM Nov 07, 2020 | Deepika.com