കോഴിക്കോട്: ബാലുശേരിയിൽ പീഡനത്തിനിരയായ നേപ്പാൾ സ്വദേശിനിയായ ആറ് വയസുകാരിയെ ബാലാവകാശ കമ്മീഷൻ സന്ദർശിച്ചു. കുട്ടി ചികിത്സയിൽ കഴിയുന്ന കോഴിക്കോട് മെഡിക്കൽ കോളജ് ആശുപത്രിയിലെത്തിയാണ് കമ്മീഷൻ സന്ദർശിച്ചത്.
കുട്ടിക്ക് വിദഗ്ദ ചികിത്സ നൽകാൻ വേണ്ട സംവിധാനങ്ങൾ ആശുപത്രിയിൽ ഒരുക്കിയിട്ടുണ്ട്. വിദഗ്ദ സംഘമാണ് ചികിത്സക്ക് നേതൃത്വം നൽകുന്നത്. കുട്ടിയുടെ ആരോഗ്യനില തൃപ്തികരമാണ്. കുട്ടിയുടെ വീട് സന്ദർശിക്കും. കുട്ടിക്കും കുടുംബത്തിനും ആവശ്യമായ സഹായം ചെയ്തു നൽകും. വിശദമായ റിപ്പോർട്ട് കൈമാറാൻ പൊലീസിനോടും ചൈൽഡ് പ്രൊട്ടക്ഷൻ ഓഫീസറോടും ആവശ്യപ്പെട്ടിട്ടുണ്ടെന്നും കമ്മീഷൻ വ്യക്തമാക്കി.
ബാലുശേരിയിൽ പീഡനത്തിനിരയായ ആറ് വയസുകാരിയെ ബാലാവകാശ കമ്മീഷൻ സന്ദർശിച്ചു
12:21 PM Nov 07, 2020 | Deepika.com