ന്യൂഡല്ഹി: ഈ വര്ഷത്തെ ചരക്ക് സേവന നികുതി (ജിഎസ്ടി) നഷ്ടപരിഹാര സെസ് 20,000 കോടി രൂപ തിങ്കളാഴ്ച രാത്രി തന്നെ എല്ലാ സംസ്ഥാനങ്ങള്ക്കും വിതരണം ചെയ്യുമെന്ന് കേന്ദ്ര ധനമന്ത്രി നിർമല സീതാരാമന്. നഷ്ടപരിഹാര സെസ് 2022 ജൂണിനപ്പുറം നീട്ടാനും ജിഎസ്ടി കൗണ്സില് തീരുമാനിച്ചു.
42-ാമത് ജിഎസ്ടി കൗണ്സില് യോഗത്തില് നിർമല സീതാരാമൻ അധ്യക്ഷത വഹിച്ചു. സഹമന്ത്രി അനുരാഗ് താക്കൂര്, സംസ്ഥാന- കേന്ദ്രഭരണ പ്രദേശങ്ങളിലെ ധനമന്ത്രിമാര് എന്നിവര് യോഗത്തില് പങ്കെടുത്തു.
കൗണ്സില് യോഗത്തിന് ശേഷമാണ് ജിഎസ്ടി നഷ്ടപരിഹാസ സെസ് വിതരണം ചെയ്യുന്നത് സംബന്ധിച്ച് ധനമന്ത്രി പ്രഖ്യാപനം നടത്തിയത്.
ജിഎസ്ടി നഷ്ടപരിഹാരം: 20,000 കോടി രൂപ തിങ്കളാഴ്ച രാത്രി വിതരണം ചെയ്യുമെന്ന് നിർമല സീതാരാമൻ
09:18 PM Oct 05, 2020 | Deepika.com