കാസർഗോഡ്: കാസർഗോഡ് ജില്ലയിൽ 207 പേർക്ക് കൂടി കോവിഡ് സ്ഥിരീകരിച്ചു. സന്പർക്കത്തിലൂടെ 189 പേർക്കും ഇതരസംസ്ഥാനത്ത് നിന്നെത്തിയ 5 പേർക്കും വിദേശത്ത് നിന്നെത്തിയ 13 പേർക്കുമാണ് തിങ്കളാഴ്ച കോവിഡ് സ്ഥിരീകരിച്ചത്. 170 പേർക്ക് കോവിഡ് നെഗറ്റീവായതെന്ന് ജില്ലാ മെഡിക്കൽ ഓഫീസർ (ഹെൽത്ത്) ഡോ.എ.വി. രാംദാസ് പറഞ്ഞു.
വീടുകളിൽ 3260 പേരും സ്ഥാപനങ്ങളിൽ 1328 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4588 പേരാണ്. പുതിയതായി 299 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 275 സാന്പിളുകൾ കൂടി പരിശോധനയ്ക്ക് അയച്ചു. 165 പേരുടെ പരിശോധനാ ഫലം ലഭിക്കാനുണ്ട്. 257 പേർ നിരീക്ഷണ കാലയളവ് പൂർത്തിയാക്കി. 282 പേരെ ആശുപത്രികളിലും കോവിഡ് കെയർ സെന്ററുകളിലുമായി പ്രവേശിപ്പിച്ചു. ആശുപത്രികളിൽ നിന്നും കോവിഡ് കെയർ സെന്ററുകളിൽ നിന്നും 194 പേരെ ഡിസ്ചാർജ് ചെയ്തു.
12476 പേർക്കാണ് ജില്ലയിൽ ഇതുവരെ കോവിഡ് സ്ഥിരീകരിച്ചത്. ഇതിൽ 771 പേർ വിദേശത്ത് നിന്നെത്തിയവരും 597 പേർ ഇതരസംസ്ഥാനത്ത് നിന്നെത്തിയവരും 11108 പേർക്ക് സന്പർക്കത്തിലൂടെയിമാണ് രോഗം സ്ഥിരീകരിച്ചത്. 8904 പേർക്ക് ഇതുവരെ കോവിഡ് നെഗറ്റീവായി. കോവിഡ് ബാധിച്ച് മരണപ്പെട്ടവരുടെ എണ്ണം 105 ആയി. നിലവിൽ 3467 പേരാണ് കോവിഡ് ചികിത്സയിലുള്ളത്. ഇതിൽ 2127 പേർ വീടുകളിൽ ചികിത്സയിലാണ്.
കാസർഗോട്ട് 207 പേർക്കുകൂടി കോവിഡ്; 189 പേർക്കും രോഗബാധ സന്പർക്കത്തിൽ
06:51 PM Oct 05, 2020 | Deepika.com