ഹാ​ത്ര​സ് പീ​ഡ​നം: ജി​ല്ലാ മ​ജി​സ്ട്രേ​റ്റ് മോ​ശ​മാ​യി പെ​രു​മാ​റി, പു​റ​ത്താ​ക്ക​ണ​മെ​ന്ന് പ്രി​യ​ങ്ക

ല​ക്നോ: ഉ​ത്ത​ർ​പ്ര​ദേ​ശി​ൽ ഹാ​ത്രസി​ലെ ബൂ​ൽ​ഗ​ദി​യി​ൽ ക്രൂ​ര പീ​ഡ​ന​ത്തി​നി​ര​യാ​യി മ​രി​ച്ച പെ​ണ്‍​കു​ട്ടി​യു​ടെ വീ​ട്ടി​ലെ​ത്തി​യ​തി​നു പി​ന്നാ​ലെ വീ​ണ്ടും വി​മ​ർ​ശ​നം രൂ​ക്ഷ​മാ​ക്കി എ​ഐ​സി​സി ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി.

കേ​സു​മാ​യി ബ​ന്ധ​പ്പെ​ട്ട് ജി​ല്ലാ മ​ജി​സ്ട്രേ​റ്റി​നെ നീ​ക്ക​ണം. കേ​സി​ലെ അ​ദ്ദേ​ഹ​ത്തി​ന്‍റെ ഇ​ട​പെ​ട​ലു​ക​ളെ കു​റി​ച്ച് അ​ന്വേ​ഷ​ണം ന​ട​ത്ത​ണം. പീ​ഡ​ന​ത്തി​നി​ര​യാ​യി കൊ​ല്ല​പ്പെ​ട്ട പെ​ണ്‍​കു​ട്ടി​യു​ടെ കു​ടും​ബാം​ഗ​ങ്ങ​ളു​ടെ അ​ഭി​പ്രാ​യ​പ്ര​കാ​രം ജി​ല്ല മ​ജി​സ്ട്ര​റ്റാ​ണ് ഏ​റ്റ​വും മോ​ശ​മാ​യ രീ​തി​യി​ൽ അ​വ​രോ​ട് പെ​രു​മാ​റി​യ​ത്. ആ​രാ​ണ് അ​ദ്ദേ​ഹ​ത്തെ സം​ര​ക്ഷി​ക്കു​ന്ന​തെ​ന്നു​മാ​ണ് പ്രി​യ​ങ്ക​യു​ടെ ചോ​ദ്യ​ങ്ങ​ൾ. യു​പി സ​ർ​ക്കാ​ർ കു​റ​ച്ചെ​ങ്കി​ലും ഉ​റ​ക്ക​മു​ണ​ർ​ന്നി​ട്ടു​ണ്ടെ​ങ്കി​ൽ പെ​ണ്‍​കു​ട്ടി​യു​ടെ കു​ടും​ബ​ത്തി​ന്‍റെ അ​ഭി​പ്രാ​യം മാ​നി​ക്ക​ണ​മെ​ന്നും പ്രി​യ​ങ്ക മ​റ്റൊ​രു ട്വീ​റ്റി​ൽ ആ​വ​ശ്യ​പ്പെ​ട്ടു.

കോ​ണ്‍​ഗ്ര​സ് നേ​താ​ക്ക​ളാ​യ രാ​ഹു​ൽ ഗാ​ന്ധി​യും പ്രി​യ​ങ്ക വ​ദ്ര​യും പീ​ഡ​ന​ത്തി​നി​ര​യാ​യി മ​രി​ച്ച പെ​ണ്‍​കു​ട്ടി​യു​ടെ വീ​ട്ടി​ലെ​ത്തി ബ​ന്ധു​ക്ക​ളു​മാ​യി സം​സാ​രി​ച്ചി​രു​ന്നു. രാ​ഹു​ൽ, പ്രി​യ​ങ്ക എ​ന്നി​വ​ർ​ക്കൊ​പ്പം ലോ​ക്സ​ഭ​യി​ലെ കോ​ണ്‍​ഗ്ര​സ് നേ​താ​വ് അ​ധീ​ർ ര​ഞ്ജ​ൻ ചൗ​ധ​രി, എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ എ​ന്നി​വ​രുമു​ണ്ടാ​യി​രു​ന്നു. പെ​ണ്‍​കു​ട്ടി​യു​ടെ കു​ടും​ബ​ത്തി​ന് നീ​തി ല​ഭി​ക്കു​ന്ന​തു വ​രെ പ്ര​തി​ഷേ​ധം തു​ട​രു​മെ​ന്ന് രാ​ഹു​ൽ അ​ട​ക്ക​മു​ള്ള കോ​ണ്‍​ഗ്ര​സ് നേ​താ​ക്ക​ൾ പ​റ​ഞ്ഞു.

അ​തേ​സ​മ​യം, ഹാ​ത്രസി​ൽ മാ​ധ്യ​മ​ങ്ങ​ൾ​ക്ക് പ്ര​വേ​ശ​നാ​നു​മ​തി ന​ൽ​കി​യ​തി​നു പി​ന്നാ​ലെ പെ​ണ്‍​കു​ട്ടി​യു​ടെ വീ​ടും പ​രി​സ​ര​വും യു​പി പോ​ലീ​സ് ഡ്രോ​ണ്‍ നി​രീ​ക്ഷ​ണ​ത്തി​ലാ​ക്കി. ശ​നി​യാ​ഴ്ച​യാ​ണ് പെ​ണ്‍​കു​ട്ടി​യു​ടെ കു​ടും​ബ​ത്തി​ന് മാ​ധ്യ​മ​ങ്ങ​ളോ​ടു സം​സാ​രി​ക്കാ​ൻ ക​ഴി​ഞ്ഞ​ത്. ഇം​ഗ്ലീ​ഷ് അ​റി​യി​ല്ല​ല്ലോ എ​ന്നു പ​റ​ഞ്ഞ് പോ​ലീ​സ് പോ​സ്റ്റ്മോ​ർ​ട്ടം റി​പ്പോ​ർ​ട്ട് പോ​ലും ത​ങ്ങ​ളെ കാ​ണി​ച്ചി​ല്ലെ​ന്നു പെ​ണ്‍​കു​ട്ടി​യു​ടെ സ​ഹോ​ദ​ര​ൻ സ​ഞ്ജീ​വ് പ​റ​ഞ്ഞു.

ഉ​ത്ത​ർ​പ്ര​ദേ​ശ് സ​ർ​ക്കാ​രി​ൽ നി​ന്ന് ത​ങ്ങ​ൾ​ക്കു നീ​തി ല​ഭി​ക്കി​ല്ലെ​ന്ന് ഉ​റ​പ്പാ​ണ്. സി​ബി​ഐ അ​ന്വേ​ഷ​ണ​ത്തി​ലും വി​ശ്വാ​സ​മി​ല്ല. കേ​സ് സു​പ്രീം​കോ​ട​തി ജ​ഡ്ജി​യു​ടെ മേ​ൽ​നോ​ട്ട​ത്തി​ൽ അ​ന്വേ​ഷി​ക്ക​ണ​മെ​ന്നും പെ​ണ്‍​കു​ട്ടി​യു​ടെ അ​മ്മ ആ​വ​ശ്യ​പ്പെ​ട്ടു.