ദുബായി: ഐപിഎല്ലിൽ ചെന്നൈ സൂപ്പർ കിംഗ്സിനെതിരേ ടോസ് നേടിയ സണ്റൈസേഴ്സ് ഹൈദരാബാദ് ബാറ്റിംഗ് തെരഞ്ഞെടുത്തു. മൂന്ന് കളികളിൽ ഒന്ന് മാത്രം ജയിച്ച ഇരുടീമിനും ഇന്ന് ജയം നിർണായകമാണ്. പോയിന്റ് പട്ടികയിലെ അവസാന സ്ഥാനക്കാരാണ് ഇന്ന് ജയത്തിനായി പോരടിക്കുന്നത്.
മുംബൈയ്ക്കെതിരേ ജയിച്ചു തുടങ്ങിയ എം.എസ്.ധോണിക്കും സംഘത്തിനും പിന്നാലെ വന്ന രണ്ടു തുടർ തോൽവികൾ തിരിച്ചടിയായി. മുംബൈയ്ക്കെതിരേ ജയമൊരുക്കിയ അമ്പാട്ടി റായിഡു പരിക്ക് മാറി തിരിച്ചെത്തുന്നത് ധോണിക്ക് ആശ്വാസമാകും.
ഈ സീസണിൽ ഇതുവരെ കളിക്കാതിരുന്ന വെസ്റ്റ് ഇൻഡീസ് ഓൾറൗണ്ടർ ഡെയ്ൻ ബ്രാവോയും ഇന്ന് ചെന്നൈയ്ക്കായി കളത്തിലിറങ്ങും. പേസർ ഷർദുൽ ഠാക്കൂറിനെയും ധോണി അന്തിമ ഇലവനിൽ ഉൾപ്പെടുത്തിയിട്ടുണ്ട്.
ആദ്യ രണ്ടു മത്സരത്തിലും തോറ്റ സണ്റൈസേഴ്സ് മൂന്നാം മത്സരത്തിൽ ഡൽഹി ക്യാപിറ്റൽസിനെതിരേ നേടിയ ജയത്തിന്റെ ആത്മവിശ്വാസത്തിലാണ് ഇന്നിറങ്ങുന്നത്. ബൗളർമാരുടെ മികവിൽ 15 റണ്സിന്റെ വിജയമാണ് സണ്റൈസേഴ്സ് നേടിയത്.
ചെന്നൈയ്ക്ക് ജയിക്കണം; ഹൈദരാബാദിന് ബാറ്റിംഗ്
07:25 PM Oct 02, 2020 | Deepika.com