കൊച്ചി: നയതന്ത്ര സ്വര്ണക്കടത്ത് കേസുമായി ബന്ധപ്പെട്ട് കസ്റ്റംസ് കസ്റ്റഡിയിലെടുത്ത കൊടുവളള്ളി നഗരസഭാ കൗണ്സിലര് കാരാട്ട് ഫൈസലിന്റെ അറസ്റ്റ് ഇന്ന് രേഖപ്പെടുത്തുമെന്ന് സൂചന. വ്യാഴാഴ്ചയാണ് ഫൈസലിനെ കസ്റ്റംസ് കസ്റ്റഡിയിലെടുത്തത്.
നയതന്ത്രചാനൽ വഴി ആദ്യം കടത്തിയ 80 കിലോ സ്വർണം വിൽക്കാൻ സഹായിച്ചത് ഫൈസലാണെന്നാണു കസ്റ്റംസിന്റെ നിഗമനം. ഫൈസലിന്റെ പേര് വെളിപ്പെടുത്തിയത് കെ.ടി. റമീസാണെന്നാണ് സൂചന.
കൊടുവള്ളി എംഎൽഎ പി.ടി.എ. റഹീം അധ്യക്ഷനായ പാർട്ടിയുടെ പ്രധാന നേതാവായിരുന്നു കാരാട്ട് ഫൈസൽ. ഈ പാർട്ടി ഇപ്പോൾ ഐഎൻഎല്ലിൽ ലയിച്ചിട്ടുണ്ട്.
കാരാട്ട് ഫൈസലിന്റെ അറസ്റ്റ് ഇന്ന് രേഖപ്പെടുത്തിയേക്കും
09:05 AM Oct 02, 2020 | Deepika.com