ബിജാപുർ: പോലീസിനു വിവരം ചോർത്തിയെന്നാരോപിച്ച് ഉപഗ്രാമമുഖ്യൻ ഉൾപ്പെടെ രണ്ടു പേരെ മാവോയിസ്റ്റുകൾ വെട്ടിക്കൊലപ്പെടുത്തി. ജംഗ്ല പോലീസ് സ്റ്റേഷൻ പരിധിയിൽ ബുധനാഴ്ച രാത്രിയാണു സംഭവം.
ബർഡേല ഗ്രാമത്തിലാണ് ഉപഗ്രാമമുഖ്യൻ ധനിരാം കോർസ കൊല്ലപ്പെട്ടത്. ഗോപാൽ കുഡിയാം ഗോംഗ്ല ഗ്രാമത്തിൽ വച്ചാണ് കൊല ചെയ്യപ്പെടുന്നത്. പോലീസ് എത്തി മൃതദേഹങ്ങൾ പോസ്റ്റ്മോർട്ടത്തിനായി ആശുപത്രിയിലേക്കു മാറ്റി.
ഒരുമാസത്തിനിടെ മൂന്നു പോലീസുകാരും വനംവകുപ്പ് ഉദ്യോഗസ്ഥനും ഉൾപ്പെടെ 12 പേർ നക്സൽ ആക്രമണത്തിൽ കൊല്ലപ്പെട്ടിരുന്നു.
ഉപഗ്രാമമുഖ്യൻ ഉൾപ്പെടെ രണ്ടുപേരെ മാവോയിസ്റ്റുകൾ വധിച്ചു
02:56 AM Oct 02, 2020 | Deepika.com