തിരുവനന്തപുരം: കോവിഡ് വ്യാപിക്കുന്ന പശ്ചാത്തലത്തില് കര്ശന നിയന്ത്രണങ്ങൾ ഏർപ്പെടുത്തി സംസ്ഥാന സർക്കാർ. കോവിഡ് പ്രതിരോധത്തിന്റെ ഭാഗമായി അഞ്ചുപേരില് കൂടുതല് ആളുകള് കൂട്ടംകൂടി നില്ക്കുന്നതിന് വിലക്കേര്പ്പെടുത്തി.
സിആര്പിസി 144 അനുസരിച്ചാണ് സര്ക്കാര് ഉത്തരവിറക്കിയത്. ഒക്ടോബർ മൂന്ന് രാവിലെ ഒമ്പത് മുതല് ഒക്ടോബർ 30 വരെയാണ് വിലക്ക്. ജില്ലാ മജിസ്ട്രേറ്റുമാര്ക്ക് സാഹചര്യം വിലയിരുത്തി നടപടിയെടുക്കാനും നിര്ദേശമുണ്ട്.
അതേസമയം വിവാഹം, മരണാനന്തര ചടങ്ങുകള് തുടങ്ങിയ അടിയന്തര ആവശ്യങ്ങളെ വിലക്കില് നിന്ന് ഒഴിവാക്കിയിട്ടുണ്ട്. ആളുകള് കൂട്ടംകൂടുന്ന മറ്റുള്ള എല്ലാ പരിപാടികള്ക്കും വിലക്കുണ്ട്. നിയന്ത്രണങ്ങളില് ഇളവ് അതാത് ജില്ലകളിലെ സ്ഥിതിഗതികള് വിലയിരുത്തി ജില്ലാ കളക്ടര്മാര്ക്ക് തീരുമാനിക്കാം.
സംസ്ഥാനത്ത് ആൾക്കൂട്ടങ്ങൾക്ക് വിലക്ക്
10:06 PM Oct 01, 2020 | Deepika.com