അബുദാബി: ഐപിഎല്ലിൽ മുംബൈ ഇന്ത്യൻസിനെതിരെ കിംഗ്സ് ഇലവൺ പഞ്ചാബിനെതിരെ 192 റൺസ് വിജയലക്ഷ്യം. മെല്ലെ തുടങ്ങിയ മുംബൈ അവസാന ഓവറുകളിൽ ആളിക്കത്തിയതോടെയാണ് സ്കോർ ഇരുന്നൂറിനരികെ എത്തിയത്. മുംബൈ നിശ്ചിത 20 ഓവറിൽ നാല് വിക്കറ്റ് നഷ്ടത്തിൽ 191 റൺസ് നേടി.
ആദ്യ പത്തോവറില് 62 മാത്രം നേടിയ മുംബൈ അടുത്ത പത്തോവറില് 129 റണ്സ് നേടുകയായിരുന്നു. അവസാന ഓവറുകളിൽ പൊള്ളാര്ഡും ഹാര്ദ്ദിക് പാണ്ഡ്യയുമാണ് പഞ്ചാബിനുമേൽ ആക്രമണം അഴിച്ചുവിട്ടത്.
മുംബൈയ്ക്കായി നായകൻ രോഹിത് ശർമ 45 പന്തിൽ മൂന്ന് സിക്സുകളുടെ അകന്പടിയോടെ 70 റൺസ് നേടി. പൊള്ളാർഡ് 20 പന്തിൽ 47 റൺസും പാണ്ഡ്യ 11 പന്തിൽ 30 റൺസും നേടി പുറത്താകാതെ നിന്നു.
പഞ്ചാബിനായി ഷമി രണ്ട് വിക്കറ്റ് വീഴ്ത്തി.
രോഹിത്തിന് അർധ സെഞ്ചുറി; പഞ്ചാബിന് 192 റൺസ് വിജയലക്ഷ്യം
11:27 PM Oct 01, 2020 | Deepika.com