തിരുവനന്തപുരം: ഉത്തർപ്രദേശിൽ കോൺഗ്രസ് നേതാവ് രാഹുൽ ഗാന്ധിയെ പോലീസ് കൈയേറ്റം ചെയ്തത് ജനാധിപത്യ വിരുദ്ധമെന്ന് മുഖ്യമന്ത്രി പിണറായി വിജയൻ. രാഹുൽ ഗാന്ധിക്ക് ഹത്രാസിലേക്ക് പോകാൻ എല്ലാ ജനാധിപത്യ അവകാശങ്ങളുമുണ്ടെന്നും അദ്ദേഹം പറഞ്ഞു.
ഭരണഘടനാപരമായ സ്വാതന്ത്ര്യവുമുണ്ട്. അതിനെയൊക്കെ ഇല്ലായ്മ ചെയ്യുന്ന നീക്കം ആത്യന്തികമായി ജനാധിപത്യത്തിന് വിരുദ്ധമാണ്. ഇത് ജനാധിപത്യ സമൂഹത്തിന് അനുവദിച്ചു കൊടുക്കാനാവില്ല.
പ്രതിഷേധാർഹവും അപലപനീയവുമാണ് രാഹുൽ ഗാന്ധിയെ വിലക്കിയതും കൈയേറ്റം ചെയ്തതുമെന്നും പിണറായി വിജയൻ കൂട്ടിച്ചേർത്തു.
രാഹുലിനെ കൈയേറ്റം ചെയ്തത് ജനാധിപത്യ വിരുദ്ധമെന്ന് മുഖ്യമന്ത്രി
08:08 PM Oct 01, 2020 | Deepika.com