കോൽക്കത്ത: ദുർഗാ ദേവിയായി വേഷമിട്ട തൃണമൂല് കോണ്ഗ്രസ് എംപിയും സിനിമാ താരവുമായ നുസ്രത് ജഹാന് വധഭീഷണി. സമൂഹമാധ്യമങ്ങളിലൂടെയാണ് വധഭീഷണി.
വസ്ത്ര വിൽപ്പനശാലയുടെ പരസ്യത്തിന്റെ ഭാഗമായാണ് നുസ്രത് ജഹാൻ ദുർഗാ ദേവിയായി വേഷമിട്ടത്. ഈ മാസം 17ന് നുസ്രത് ഇൻസ്റ്റഗ്രാമിൽ പോസ്റ്റ് ചെയ്ത ചിത്രമാണ് വിവാദമായത്. ഞായറാഴ്ച സിനിമ ഷൂട്ടിംഗിനായി നുസ്രത് ലണ്ടനിലേക്കു പോയിരുന്നു.
പോസ്റ്റുകള്ക്ക് താഴെ, മുസ്ലിം, ഹിന്ദു വര്ഗീയ വാദികള് ഒരുപോലെ വധഭീഷണി മുഴക്കുന്നുണ്ട്. മുസ്ലിം മതവിശ്വാസിയായ നുസ്രത്, ഹിന്ദു ദൈവത്തിന്റെ വേഷമിട്ടതാണ് ഇവരെ ചൊടിപ്പിച്ചത്.
സുരക്ഷ ഒരുക്കണമെന്ന് ആവശ്യപ്പെട്ട് ലണ്ടിനിലെ ഇന്ത്യന് എംബസിയെ സമീപിച്ചിട്ടുണ്ടെന്ന് നുസ്രത്ത് ജഹാന്റെ സഹായികള് വ്യക്തമാക്കി.
ദുർഗാ ദേവിയായി വേഷമിട്ട തൃണമൂല് എംപി നുസ്രത് ജഹാന് വധഭീഷണി
06:19 PM Sep 29, 2020 | Deepika.com