ന്യൂഡൽഹി: ലോകത്താകെ കോവിഡ് മൂലമുള്ള മരണം 10 ലക്ഷം കടന്നു. 1,007,223 പേരാണ് ഇതുവരെ ലോകത്താകെ കോവിഡ് ബാധിച്ച് മരിച്ചത്. ഇന്ത്യയടക്കം വിവിധ രാജ്യങ്ങളിൽ കോവിഡ് വ്യാപനം രൂക്ഷമായതോടെ മരണനിരക്ക് നാല് ശതമാനമായി.
ലോകത്താകെ കോവിഡ് ബാധിതരുടെ എണ്ണം മൂന്നുകോടി കവിഞ്ഞിരുന്നു. 33,589,118 പേർക്കാണ് ഇതുവരെ കോവിഡ് ബാധിച്ചത്. കോവിഡ് മരണം ദശലക്ഷം കടന്നത് മനസിനെ തളർത്തുന്നതാണെന്ന് യുഎൻ സെക്രട്ടറി ജനറൽ അന്റോണിയോ ഗുട്ടെറസ് പറഞ്ഞു. കോവിഡിനെതിരെ എല്ലാ രാജ്യങ്ങളും ഒരുമിച്ച് പ്രവർത്തിക്കണമെന്ന് അദ്ദേഹം ആഹ്വാനം ചെയ്തു.
നിരവധി ആളുകളെ ജീവൻ നഷ്ടപ്പെട്ടതായി ഓർക്കുമ്പോൾ, ഐക്യദാര്ഡ്യത്തിലാണ് നമ്മുടെ ഭാവി. അതിൽ രാഷ്ട്രങ്ങൾ തമ്മിലും മനുഷ്യർ തമ്മിലുള്ള ഐക്യവും ഉൾപ്പെടും-ഗുട്ടെറസ് പ്രസ്താവനയിൽ പറഞ്ഞു.
കോവിഡ് മരണം ദശലക്ഷം കടന്നു; മനസ് തളരുന്നെന്ന് യുഎൻ സെക്രട്ടറി ജനറൽ
05:30 PM Sep 29, 2020 | Deepika.com