കേ​ന്ദ്ര​ത്തി​നെ​തി​രെ 20,000 കോ​ടി​യു​ടെ നി​കു​തി ത​ർ​ക്കം; വോ​ഡാ​ഫോ​ണി​ന് ലോ​ക കോ​ട​തി​യു​ടെ അ​നു​കൂ​ല വി​ധി

ന്യൂ​ഡ​ല്‍​ഹി: സ​ര്‍​ക്കാ​രി​നെ​തി​രെ അ​ന്താ​രാ​ഷ്ട്ര കോ​ട​തി​യി​ല്‍ ന​ല്‍​കി​യ 20,000 കോ​ടി​രൂ​പ​യു​ടെ നി​കു​തി ത​ർ​ക്ക കേ​സി​ൽ വോ​ഡാ​ഫോ​ണി​ന് അ​നു​കൂ​ല​വ​ധി. ഹേ​ഗി​ലെ അ​ന്താ​രാ​ഷ്ട്ര ആ​ര്‍​ബി​ട്രേ​ഷ​ന്‍ ട്രൈ​ബ്യൂ​ണ​ലാ​ണ് വോ​ഡാ​ഫോ​ണി​ന് അ​നു​കൂ​ല​മാ​യി വി​ധി​ച്ച​ത്.

വോ​ഡാ​ഫോ​ണി​ന്മേ​ൽ ഇ​ന്ത്യ​ൻ സ​ർ​ക്കാ​ർ നി​കു​തി ചു​മ​ത്തു​ന്ന​ത് ഇ​ന്ത്യ​യും നെ​ത​ർ​ല​ൻ​ഡും ത​മ്മി​ലു​ള്ള നി​ക്ഷേ​പ ക​രാ​റി​ന്‍റെ ലം​ഘ​ന​മാ​ണെ​ന്ന് ആ​ർ​ബി​ട്രേ​ഷ​ന് ട്രൈ​ബ്യൂ​ണ​ൽ വി​ധി​ച്ചു. വോ​ഡാ​ഫോ​ണി​ല്‍​നി​ന്ന് കു​ടി​ശി​ക ഈ​ടാ​ക്ക​രു​തെ​ന്നും നി​യ​മ​ന​ട​പ​ടി​ക​ള്‍​ക്കാ​യു​ള്ള ചെ​ല​വി​ന​ത്തി​ല്‍ ഭാ​ഗി​ക ന​ഷ്ട​പ​രി​ഹാ​ര​മാ​യി 4000 കോ​ടി (5.47 മി​ല്യ​ണ്‍ ഡോ​ള​ര്‍) ഇ​ന്ത്യ ന​ല്‍​ക​ണ​മെ​ന്നും ഉ​ത്ത​ര​വി​ൽ പ​റ​യു​ന്നു.

സം​ഭ​വ​ത്തി​ൽ വോ​ഡാ​ഫോ​ണും ധ​ന​മ​ന്ത്രാ​ല​യ​വും ഇ​തു​വ​രെ പ്ര​തി​ക​രി​ച്ചി​ട്ടി​ല്ല. 2007ല്‍ ​ഹ​ച്ചി​സ​ണി​ല്‍​നി​ന്ന് ഇ​ന്ത്യ​യി​ലെ ടെ​ലി​കോം ആ​സ്തി വോ​ഡാ​ഫോ​ണ്‍ വാ​ങ്ങി​യ​താ​ണ് നി​കു​തി ത​ര്‍​ക്ക​ത്തി​ന് കാ​ര​ണ​മാ​യ​ത്. 11 ദ​ശ​ല​ക്ഷം ഡോ​ള​റി​ന്‍റെ ഇ​ട​പാ​ടാ​ണ് ന​ട​ന്ന​ത്.

ഇ​തു​മാ​യി ബ​ന്ധ​പ്പെ​ട്ട് 12,000 കോ​ടി രൂ​പ നി​കു​തി​യാ​യി അ​ട​യ്ക്ക​ണ​മെ​ന്നാ​ണ് സ​ർ​ക്കാ​ർ ആ​വ​ശ്യ​പ്പെ​ട്ട​ത്. ആ​ദാ​യ നി​കു​തി നി​യ​മ​പ്ര​കാ​രം നി​കു​തി അ​ട​യ്ക്കാ​ന്‍ വോ​ഡാ​ഫോ​ണി​ന് ബാ​ധ്യ​ത​യു​ണ്ടെ​ന്നാ​ണ് സ​ര്‍​ക്കാ​ര്‍ ക​മ്പ​നി​യെ അ​റി​യി​ച്ച​ത്. പി​ഴ​യും പ​ലി​ശ​യു​മു​ള്‍​പ്പ​ടെ​യാ​ണ് ഈ​തു​ക 20,000 കോ​ടി​യാ​യി ഉ​യ​ര്‍​ന്ന​ത്.