കൊച്ചി: എറണാകുളം മുനമ്പം കുഴിപ്പള്ളി ബീച്ചില് ഒരാളെ മരിച്ച നിലയില് കണ്ടെത്തിയ സംഭവത്തില് മൂന്ന് പേര് അറസ്റ്റിലായി. ബുധനാഴ്ചയാണ് ചെറായി സ്വദേശി പ്രണവ് തലയ്ക്ക് അടിയേറ്റ് മരിച്ചത്.
സംഭവത്തില് ചെറായി സ്വദേശികളായ ശരത്, ജിബിന്, അമ്പാടി എന്നിവരാണ് പിടിയിലായത്. അമ്പാടിയെ ബുധനാഴ്ച തന്നെ പിടികൂടിയിരുന്നു. ചെറായി സ്വദേശിയായ നാംദേവ് എന്നയാളെ കൂടി പിടികൂടാനുണ്ട്.
കൊല്ലപ്പെട്ട പ്രണവിന് പ്രതികളില് ഒരാളുടെ കാമുകിയുമായി അടുപ്പമുണ്ടായിരുന്നു. ഇതേ ചൊല്ലിയുള്ള തര്ക്കമാണ് കൊലപാതകത്തില് കലാശിച്ചത്. പ്രതികളെ ഇന്ന് കോടതിയില് ഹാജരാക്കും.
കുഴിപ്പള്ളി ബീച്ചിലെ യുവാവിന്റെ കൊലപാതകം; മൂന്ന് പേർ അറസ്റ്റിൽ
08:58 AM Sep 23, 2020 | Deepika.com