ന്യൂഡൽഹി: പാർലമെന്റിലെ പ്രതിപക്ഷ സമരം ഇടനിലക്കാർക്കു വേണ്ടിയാണെന്ന് കേന്ദ്രമന്ത്രി വി. മുരളീധരൻ. രാജ്യസഭയിൽനിന്ന് എട്ട് എംപിമാരെ സസ്പെൻഡ് ചെയ്ത വിഷയത്തിലാണു മന്ത്രിയുടെ പ്രതികരണം.
എംപിമാരെ സസ്പെൻഡ് ചെയ്തത് ഗുരുതരമായ കുറ്റങ്ങൾ ചെയ്തതിനാലാണ്. പ്രതിപക്ഷം നടത്തുന്നത് ആടിനെ പട്ടിയാക്കുന്ന പ്രചാരണമാണ്. മാർഷലുകളെ ആക്രമിച്ച കെ.കെ. രാഗേഷ് സ്വയം ഇര ചമയുകയാണ്. കുപ്രചരണങ്ങൾ അഴിച്ചുവിട്ടുകൊണ്ട്, വസ്തുതകളെ വളച്ചൊടിച്ചു കൊണ്ട് സത്യത്തിന്റെ മുഖം വികൃതമാക്കാനുള്ള ശ്രമങ്ങളാണ് എംപിമാരുടെ ഭാഗത്തുനിന്ന് ഉണ്ടാവുന്നതെന്നും അദ്ദേഹം പറഞ്ഞു.
പ്രതിഷേധങ്ങൾ ഇടനിലക്കാർക്കു വേണ്ടിയുള്ള സമരമാണ്. കാരണം ഇടനിലക്കാരെ ഒഴിവാക്കികൊണ്ട് കർഷകർക്ക് അവരുടെ ഉത്പന്നങ്ങൾ കൂടുതൽ വില കിട്ടുന്നിടത്ത് വിൽക്കാനുള്ള അവസരമാണ് നിയമത്തിലൂടെ വരാൻ പോകുന്നതെന്നും മുരളീധരൻ കൂട്ടിച്ചേർത്തു.
കെ.കെ. രാഗേഷ് ഇര ചമയുന്നു, കുപ്രചരണം അഴിച്ചുവിടുന്നു: കേന്ദ്രമന്ത്രി വി. മുരളീധരൻ
07:48 PM Sep 21, 2020 | Deepika.com