മത്സ്യവിൽപ്പന നടത്തുന്ന സ്ത്രീകൾക്ക് കോവിഡ് പരിശോധന
07:35 PM Aug 12, 2020 | Deepika.com
തിരുവനന്തപുരം: മത്സ്യവിൽപ്പന നടത്തുന്ന സ്ത്രീകൾക്ക് കോവിഡ് പരിശോധന നടത്തുമെന്ന് മുഖ്യമന്ത്രി പിണറായി വിജയൻ അറിയിച്ചു. മത്സ്യവിപണന കേന്ദ്രങ്ങൾ, മൊത്തവിൽപ്പന കേന്ദ്രങ്ങൾ എന്നിവിടങ്ങളിൽ നിന്നും മറ്റിടങ്ങളിലേക്ക് വിൽപ്പനയ്ക്ക് പോകുന്ന സ്ത്രീകളെയാണ് കോവിഡ് പരിശോധനയ്ക്ക് വിധേയരാക്കുന്നത്. ഫലം നെഗറ്റീവായവർ മാത്രമേ വിൽപ്പനയ്ക്ക് പോകാവൂയെന്നും മുഖ്യമന്ത്രി നിർദേശിച്ചു.