തിരുവനന്തപുരം: പരിസ്ഥിതിക ആഘാത പഠന (ഇഐഎ) കരട് വിജ്ഞാപനം പിൻവലിക്കണമെന്ന് കോൺഗ്രസ് നേതാവ് വി.എം സുധീരൻ. പരിസ്ഥിതി ആഘാത പഠന കരട് വിജ്ഞാപനം ഉടനടി പിന്വലിക്കാന് കേന്ദ്രസര്ക്കാര് തയാറാവണമെന്ന് അദ്ദേഹം ആവശ്യപ്പെട്ടു.
പരിസ്ഥിതി ആഘാത പഠനം നടത്താതെ തന്നെ പല പദ്ധതികളും തുടങ്ങാമെന്നത് തലതിരിഞ്ഞ നയമാണ്. നിലവിലുള്ള പരിസ്ഥിതി നിയമങ്ങളെ അട്ടിമറിക്കുന്നതും അപ്രസക്തമാക്കുന്നതുമാണ് വിജ്ഞാപനമെന്നും സുധീരൻ പറഞ്ഞു. നേരത്തെ രാഹുൽ ഗാന്ധിയും കരട് വിജ്ഞാപനം പിൻവലിക്കണമെന്ന് ആവശ്യപ്പെട്ടിരുന്നു.
രാജ്യത്തെ കൊള്ളയടിക്കുന്നത് തടയാനും പരിസ്ഥിതിനാശത്തിനു തടയിടാനും ഇഐഎ കരട് പിൻവലിക്കണം- രാഹുൽ ട്വീറ്റ് ചെയ്തു. രാജ്യത്തിന്റെ വിഭവങ്ങൾ സ്യൂട്ട് ബൂട്ട് സുഹൃത്തുക്കൾക്കായി ബിജെപി സർക്കാർ കൊള്ളയടിക്കുന്നതിന്റെ മറ്റൊരു ഭയാനകമായ ഉദാഹരണമാണിതെന്നും രാഹുൽ ആരോപിച്ചു.
ഇഐഎ കരട് വിജ്ഞാപനം പിൻവലിക്കണമെന്ന് വി.എം സുധീരൻ
12:49 PM Aug 10, 2020 | Deepika.com