കോട്ടയം: കോട്ടയം ജില്ലയിൽ 89 പേർക്കു കൂടി കോവിഡ് സ്ഥിരീകരിച്ചു. ഇതിൽ 84 പേർക്കും സന്പർക്കം മുഖേനയാണ് വൈറസ് ബാധയുണ്ടായത്. വിദേശത്തുനിന്നു വന്ന രണ്ടു പേരും മറ്റു സംസ്ഥാനങ്ങളിൽനിന്ന് വന്ന മൂന്നു പേരും രോഗബാധിതരിൽ ഉൾപ്പെടുന്നു.
പായിപ്പാട് ഗ്രാമപഞ്ചായത്തിലാണ് ഏറ്റവും കൂടുതൽ പേർക്കു രോഗം ബാധിച്ചത്. ഇവിടെ 15 പേരുടെ പരിശോധനാ ഫലം പോസിറ്റീവായി.
കുറിച്ചി ഗ്രാമപഞ്ചായത്ത് (7), എരുമേലി, അതിരന്പുഴ ഗ്രാമപഞ്ചായത്തുകൾ, ഏറ്റുമാനൂർ മുനിസിപ്പാലിറ്റി (6 വീതം), ചങ്ങനാശേരി മുനിസിപ്പാലിറ്റി, മുണ്ടക്കയം ഗ്രാമപഞ്ചായത്ത് (5 വീതം) എന്നിവയാണ് പുതിയതായി കൂടുതൽ പേർക്ക് രോഗബാധ സ്ഥിരീകരിച്ച മറ്റ് തദ്ദേശ സ്ഥാപനങ്ങൾ.
65 പേർ രോഗമുക്തരായി. നിലവിൽ കോട്ടയം ജില്ലക്കാരായ 567 പേരാണു ചികിത്സയിലുള്ളത്. ഇതുവരെ ആകെ 1195 പേർക്കാണു രോഗം ബാധിച്ചത്. ഇതിൽ 627 പേർ രോഗമുക്തരായി.
കോട്ടയത്ത് ആശങ്ക വർധിപ്പിച്ച് കോവിഡ്; 84 പേർക്കും രോഗബാധ സന്പർക്കം മുഖേന
06:23 PM Jul 31, 2020 | Deepika.com